ओली र प्रचण्ड नै पार्टी एकता नगर्ने मूडमा,दुबैले लिए यस्तो अडान,एकता टार्ने यस्तो छ खेल
नेकपा एमाले र माओवादी केन्द्रबीचको पार्टी एकता प्रक्रियामा फेरि ‘ब्रेक’ लाग्ने संकेत देखिएको छ । एकीकृत पार्टीको चुनाव चिह्न र सांगठनिक रुपमा प्रतिनिधित्व गर्ने संख्यामा सहमति जट्न नसक्दा एकता प्रक्रियामा ‘ब्रेक’ लाग्ने संकेत देखिएको हो ।
प्रधानमनत्री एवं एमाले अधयक्ष केपी ओलीको भरत भ्रमण अगावै गर्ने भनिएको पार्टी एकता संख्या र चिन्हमा सहमति जुट्न नसक्दा स्थगित भएको थियो । एकता प्रक्रियामा बिमति रहेका विषयमा ओली भारतबाट फर्किएको तीन दिन बित्दासमेत कुनै छलफल हुन सकेको छैन ।
यसअघि निरन्तर संवादमा रहने ओली–प्रचण्डबीच समेत पार्टी एकताका विषयमा छलफल नभएको प्रचण्ड निकट एक माओवादी नेताले जानकारी दिए । उनका अनुसार संख्या र चिन्हका विषयमा दुवै पार्टी आ–आफ्नो अडानमा टसमस नभएपछि संवाद प्रक्रिया नै रोकिएको हो ।
दुई पार्टी सम्मिलित दुई कार्यदलले एकता प्रक्रिया सहज बनाउन भन्दै विवादित केही विषयालई थाती राखेर मिलेका विषयसहितको प्रतिवेदन एकता संयोजन समितिमा चैत २० मा पेस गरे । चैत २० र २२ मा बसेको एकता संयोजन समितिका दुवै बैठकमा सहमति नजुटेपछि नमिलेका विषयमा ओली–प्रचण्बीको छलफलबाट टुंग्याउने सहमति भएपनि उनीहरुबीच पछिल्लो समय संवाद हुन नसकेको माओवादी नेताले बताए ।
दुवै दल तलमाथि गर्ने अवस्थामा नभएकाले बुधबार(आज)का लागि डाकिएको बैठकमासमेत सहमति जुट्ने समभावना कम रहेको माओवादी नेताले बताए ।
