क्षेत्रीय प्रमुखलाई कृषि राज्यमन्त्रीले चोर औलो तेर्साएर भनिन्,दलालसँग टाढै बस्नुस्

कृषि, भूमी व्यवस्था तथा सहकारी राज्यमन्त्री रामकुमारी चौधरीले दलालहरुसँग टाढै बस्न चेतावनी दिएकी छिन्।
पुर्व क्षेत्रिय कार्यालय प्रमुखहरुसँग छलफल गर्दै राज्यमन्त्री चौधरीले असल किसानको पक्षमा काम गर्नुपर्ने बताइन्। छलफल कार्यक्रमलाई सम्बोधन गर्दै चौधरीले भनिन्,‘असल किसानको पक्षमा काम गर्नुस्, दलालसंग टाढै बस्नुस्।’

कृषि क्षेत्रको समस्याको स्थलगत निरिक्षण गर्न राज्यमन्त्री चौधरी पुर्वको विराटनगर पुगेकी हुन्। छलफलमा पुर्वका क्षेत्रिय कार्यालयका प्रमुखहरुको उपस्थित रहेको थियो।

छलफल कार्यक्रमलाई सम्बोधन गर्दै राज्यमन्त्री चौधरीले कार्यसम्पादनका क्रममा जनताको पक्षमा काम गर्न निर्देशन दिएकी थिईन्।क्षेत्रिय कार्यालयका प्रमुखहरुले पुर्वका विभिन्न जिल्लाको कृषि क्षेत्रको समस्या र सञ्चालित योजनाको सामान्य ब्रिफिङ राज्यमन्त्री समक्ष गरेका थिए।