रानीको शिक्षिका चरित्र मन पर्यो दर्शकलाई
‘हिचकी’ मार्फत अभिनयमा पुन प्रवेश गरेकी बलिउड अभिनेत्री रानी मुखर्जीले दर्शकको मन जितेकी छिन् । उनले निर्वाह गरेको शिक्षिकाको चरित्र दर्शकलाई निकै मन परेको छ । ‘चार वर्षपछि अभिनयमा फर्किएकी रानीले मर्दानीको क्रेज कायमै राखेकी रहिछन्,’ टे्रड एनालिष्ट तरन आदर्शले भने ।
९ सय ६१ स्क्रिनमा रिलिज भएको हिचकीले ७ दिनमा २२ करोड रुपैंयाँ कमाई गरेको छ । फिल्ममा रानी मुखर्जी बाहेक ठूला स्टार अरु छैनन् । यसराज फिल्म्सको ब्यानरमा २० करोडमा बनेको उक्त फिल्मले रिलिजको पहिलो दिन ३.३० करोड कमाई गरेको थियो ।रानीले सन् २०१४ मा मर्दानीमा एक प्रहरी अफिसरको भुमिका निर्वाह गरेकी थिइन् । त्यसपछि उनी छोरी आदिरा चोपडाको स्याहार सुसारमा तल्लिन भइन् ।
