बुढो हुदै गए पछी यी कांग्रेसी नेत्रीले देउवालाई दिइन यस्तो श्राप,पहिले तिनै देउवालाई किन मार्थिन धाप

‘नेतृत्वको चरित्र व्यक्तिवादी भयो, आत्माआलोचना गर्नुपर्छ । सामुहिक नेतृत्वका लागि अघि नबढे पार्टी जनताबाट बढारिने अवस्थामा पुगेको छ’, नेपाली कांग्रेसकी नेत्री डा. डिला संग्रौलाले केन्द्रीय समितिमा लिखित सुझाव पेस गर्दै सभापति शेरबहादुर देउवामाथि एकाएक धावा बोलिन् ।

चुनावअघिसम्म देउवा पक्षकी नेत्री भनेर चिनिने डिलाले सबैलाई चकित पार्नेगरी यो सुझाव बैठकमा राखेपछि केन्द्रीय सदस्य रमेश लेखकले त्यसको प्रतिवाद गरे । उनले नेतृत्वलाई गाली गरेर, दोष दिएर पार्टीको कमजोरी नसुधारिने बरू सबैले आफ्ना ठाउँबाट सुधारका लागि लाग्नुपर्ने बताए ।

डिलाको सुझाव त्यति मात्रै थिएन, उनले अघि भनेकी छन्,‘नेतृत्वले आत्माआलोचना गरी चुनावी पराजयको जिम्मेबारी लिनुपर्छ । पार्टीको संगठनात्मक ढाँचा र संरचनालाई वैज्ञानिक र प्रभावकारी बनाउँदै पार्टी संगठनका प्रमुख एवं पदाधिकारीहरूलाई इमान्दारीता एवं जवाफदेहिता बोध गराउनुपर्छ ।’

उनले यी सबै काम नहुनुमा नेतृत्व एकल, व्यक्तिजवादी र अराजक भएको पनि संकेत गरेकी छन् । उनले १६ वटा बुँदामा लिखित सुझाव पेस गरेकी थिइन् । त्यसमध्येको ७ औं बुँदामा सभापति देउवाविरूद्ध आगो नै ओकलेकी छन् । ‘नेपाली काँग्रेसले भोग्नु परेको निर्वाचनको पराजयको पीडा, छटपटी र घोर निराशाका क्षणहरूलाई मेटेर हामीले भविष्यको कदम चाल्न सक्नु पर्दछ किनकी “इतिहासमा म र मेरो भन्नेहरू हराएर गएका छनु हामी र हाम्रो भन्नेहरूले इतिहास निर्माण गरेका छन् ।” त्यसैले सुनौलो इतिहास निर्माण गर्न सामुहिक प्रतिवद्धताको खाँचो छ ।’, उनले औंल्याएकी छन् ।

उनले चुनावमा टिकट वितरण गरेको प्रसंगमा भएको कमजोरीको दोष पनि देउवालाई दिएकी छन् । सुझावको ९ नम्बर बुँदामा उनले भनेकी छन्,‘पराजयको आन्तरीक कारण मुलतः टिकट वितरण गर्दा विना मापदण्ड, प्रभावकारी र पारदर्शी ढंगले वितरण गर्न नसक्नु हो भने हाम्रा चुनावी घोषणा पत्र एवं एजेण्डा र रणनीति समय सापेक्ष जनतालाई आकर्षण गर्न नसक्नु पनि हो । यसको साथै वाह्य कारणमा वाम गठबन्धनको चुनावी तालमेल नै हो । यसकोविरूद्ध नेपाली काँग्रेसले बनाएको लोकतान्त्रिक गठबन्धन फितलो र प्रभावकारी हुन नसक्नु नै हो ।’

नेपाल महिला संघकी पूर्वाध्यक्ष समेत रहेकी उनले महिलाको हरेक तहदेखि केन्द्रसम्म ३३ प्रतिशतको सहभागीतामा पनि पार्टी चुकेको आरोप लगाएकी छन् । एकाएक सभापतिविरूद्ध उनको यो आरोपसहितको सुझावपत्र पार्टीका ‘भाइटल’ पदमा रहेका नेताको भरमा आएको चर्चा सुरू भएको छ । महामन्त्री डा. शशांक कोइरालाको आड भरोसामा डिलाले यो हिम्मत गरेको बताइन्छ । कांग्रेस स्रोतका अनुसार चुनाव ताका डिला देउवाको पक्षमा थिइन् । चुनावमा पराजय भोगेपछि उनी कोइरालाको गुटमा हावी हुने नेत्री मध्ये एक हुन् ।

यो सुझावपत्र सन्तुलित बनाउने कोशिश गरिए पनि कोइरालासहित नेता चन्द्र भण्डारीको इच्छाका आधारमा नेत्री डिलाले तयार पारेको स्रोतको दाबी छ । ‘यो आन्तरिक समस्याका लागि पेस गरिएको सुझाव ठिक छ, जसको इच्छामा आए पनि यसमाथि गम्भिर बहस गरिनुपर्छ ।’, एक नेताले भनेको भन्दै दैनिक नेपालले उल्लेख गरेको छ ।