गेष्ट हाउस र घरमा छापा मारेर प्रहरीले यसरी समात्यो २४ जुवाडे,कहाँ-कहाँ बाट को-को समातिए
प्रहरीले काठमाडौंका भिन्दाभिन्दै होटल, घर र खुला चौरमा छापा मारेर २५ जुवाडेलाई साढे २ लाख नगद सहित पक्राउ गरेको छ।प्रहरीले चन्द्रागिरी नगरपालिका–८ मातातीर्थस्थित तुलाराज पाण्डेको घरमा जुवातास खेलिरहेका सोही ठाउँ बस्ने ४२ वर्षीय सुक्रबहादुर सुनुवारसहित ८ जनालाई शनिबार नगद ९७ हजार रुपैयाँ र ४ बुक ताससहित पक्राउ गरेको हो।
यसैगरी काठमाडौँ महानगरपालिका–१५ स्थित अर्जुन थापाको डेरा कोठामा जुवातास खेलिरहेका नागार्जुन नगरपालिका–६ बस्ने ४१ बर्षीय राम लामासहित ५ जनालाई प्रहरीले शनिबार १ बुक तास र नगद १ लाख २९ हजार ५ सय ४० रुपैयाँ सहित पक्राउ गरेको हो।
यस्तै काठमाडौँ महानगरपालिका–१४ कलंकी स्थित न्यू लक्ष्मी गेष्ठ हाउसमा तास खेलिरहेका सोही ठाउँ बस्ने ३५ वर्षीय छिरिङ गुरुङ्ग सहित ५ जनालाई प्रहरीले शनिबार नगद २१ हजार ६ सय रुपैयाँ र ३ बुक तास सहित पक्राउ गरेको छ।
यसैगरी काठमाडौँ महानगरपालिका–१४ कुमारी क्लब बल्खु नजिकै खाली चौरमा पार्किङ गरी राखेको गाडीको पछाडि साईडमा जुवातास खेलिरहेका धादिङ्ग पालुङ्गे घर भई हाल काठमाडौँ स्युचार बस्ने २० बर्षीय सुरेश थापा मगर सहित ६ जनालाई प्रहरीले शनिबार नगद ९ हजार ५ सय रुपैयाँ र १ बुक तास सहित पक्राउ गरेको छ।
यस सम्बन्धमा प्रहरीले आवश्यक अनुसन्धान गरिरहेको छ।
