आज फेरि सरकार विस्तार हुँदै,एमालेबाट दुई र माओवादीबाट एक मन्त्री थप्ने यस्तो छ तयारी
मन्त्रिपरिषद्ले पूर्णता पाउन नसकेको प्रदेश ५ मा आज सरकार विस्तारको तयारी गरिएको छ । प्रदेश सरकारले सोमबार मन्त्रिमण्डलमा तीन जना मन्त्री थप्ने तयारी गरेको हो
आज थपिने तीन मन्त्रीमा एमालेले दुई र माओवादी केन्द्रले एक मन्त्री पठाउन लागेका हुन् । एमालेले प्रदेश ५ संसदीय दलको बैठकले लिला गिरी र आरती पौडेललाई मन्त्री बनाउने निर्णय गरेको छ । गिरी सामाजिक विकास तथा सहकारी र पौडेल कृषि मन्त्री बन्ने बताइएको छ ।
माओवादीले गुल्मी १ ‘क’ बाट निर्वाचित सुदर्शन बराललाई उद्योग तथा पर्यटन मन्त्रालयको जिम्मेवारी सम्हाल्ने गरी मन्त्री बनाउने तयारी गरेको छ ।
यसअघि फागुन ३ गते मुख्यमन्त्री शंकर पोखरेलको नेतृत्वमा ३ जनाको मन्त्रीमण्डल गठन भएको थियो ।
