प्रचण्डका बिश्वाशिला यी सांसदले ओलीलाई नहाल्ने भए भोट,बिद्यालाई तीन सांसद भोट हाल्न बन्चित

प्रधानमन्त्री केपी शर्मा ओली नेतृत्वको सरकारले आज संसदमा विश्वासको मत लिदैछ ।
तर, संसदमा प्रधानमन्त्रीको पक्षमा जाने माओवादीका सांसदको एक भोट चाहिँ घटेको छ । शनिवार माओवादी नेता कृष्णबहादुर महरा सभामुखमा निर्वाचित भएका छन् ।

अव उनले संसदमा सरकारलाई दिइने विश्वासको मतको पक्षमा मतदान गर्ने छैनन् । सभामुखले पक्ष विपक्षीमा समान मत भए निर्णायक मतमात्र दिन पाउँछन् । संसदमा माओवादीका ५३ सांसद थिए । महरा सभामुख भएपछि मतदानमा भाग लिने सांसदको सख्या ५२ मात्रै हुनेछ ।

निर्वाचन आयोगले कानुनी व्यवस्थाका कारण राष्ट्रियसभाका तीन जना सांसदले राष्ट्रपति निर्वाचनमा मतदान गर्नबाट बञ्चित हुने अवस्था आएको स्पष्ट पारेको छ ।
प्रमुख निर्वाचन आयुक्त डा. अयोधिप्रसाद यादवले कानुनी अडचनका कारण राष्ट्रियसभाका ३ जना सांसदले राष्ट्रपति निर्वाचनमा मतदान गर्नबाट बञ्चित हुने अवस्था आएको प्रष्टए ।

आईतबार कान्तिपथस्थित निर्वाचन आयोगको कार्यालयमा राष्ट्रपति निर्वाचनका विषयमा राजनीतिक दलहरुसँग छलफल गर्दै उनले राष्ट्रियसभाका ३ जना सांसदहरुले सपथ गर्नु अघि नै राष्ट्रपति निर्वाचनको मतदाता नामावली सार्वजनिक गरिएकाले अव त्यसमा थप गर्ने कानुनी व्यवस्था नरहेको स्पष्ट पारे ।
प्रमुख निर्वाचन आयुक्त यादवले सांसद भएर पनि राष्ट्रपति निर्वाचनमा मतदान गर्नबाट बञ्चित हुनुपर्ने अवस्था रहेकोमा आयोग दुःखित रहेको पनि बताए ।
उनले राष्ट्रपति निर्वाचन कानुन संशोधन गर्न पनि राजनीतिक दलहरुको गम्भिर ध्यानाकर्षण गराए ।
राष्ट्रपति निर्वाचनको मतदाता नामावली सार्वजनिक भएपछि मात्रै राष्ट्रिय सभामा मनोनित सांसदहरु डा. युवराज खतिवडा, रामनारायण विडारी र विमला पौडेल राईले सपथ लिएकाले उनीहरु तीनै जनाले राष्ट्रपति निर्वाचनमा मत हाल्न नपाउने कानुनी व्यवस्था छ । आगामी मंगलबार हुने राष्ट्रपति निर्वाचनमा प्रतिनिधिसभा, राष्ट्रिय सभा र प्रदेशसभाका ८ सय ८१ जना सांसदहरुले मतदान गर्नेछन ।
निर्वाचन आयोगले प्रतिनिधिसभा, प्रदेशसभा र स्थानीय तह निर्वाचनको मिति कानुनीमै तोकिदिन पनि राजनीतिक दलहरुसँग आग्रह गरेको छ ।
निर्वाचनको मिति कानुनमै तोके निर्वाचनमा खर्च कम हुने पनि प्रमुख निर्वाचन आयुक्त यादवले स्पष्ट पारे ।
उनले निर्वाचन आयोग कम खर्चमै निर्वाचन सम्पन्न गराउन लागि परेपनि त्यस अनुसारको कानुनी व्यवस्था हुन नसकेको पनि स्मरण गराए ।

निर्वाचन आयोगले राजनीतिक दलहरुलाई राष्ट्रपति निर्वाचनमा मत बदर हुन नदिन पनि सचेत हुन आग्रह गरेको छ ।