दौरा सुरुवाल लगाएर महराले लिए सभामुखको सपथ
सभामुख कृष्णबहादुर महराले पद तथा गोपनीयताको शपथ लिएका छन्।
राष्ट्रपति विद्यादेवी भण्डारीबाट महराले आइतबार शीतल निवासमा सभामुख पदको शपथग्रहण गरेका हुन्।
सभामुख महराले पहिलो पटक दौरा सुरुवाल लगाएर सपथ लिएका छन्। यसअघि मन्त्रीका रुपमा सपथ लिँदा सधैं अन्य पोशाकमा पुग्ने महरा यस पटक भने दौरासुरुवालमा राष्ट्रपति भवन पुगेका हुन्।
माओवादी केन्द्रबाट दुईजना नेता पुष्पकमल दाहाल प्रचण्ड र बाबुराम भट्टराई प्रधानमन्त्री हुँदा पनि दौरा सुरुवाल लगाएका थिएनन्। माओवादीबाट नन्दबहादुर पुनले उपराष्ट्रपति भएपछि दौरा सुरुवाल लगाउने परम्परा बसाएकोमा त्यसलाई महराले निरन्तरता दिएका छन्। नेपाली कांग्रेसको समेत सर्मथनमा महरा सभामुख पदमा निर्वाचित भएका हुन्।
