बहुमत भएको दाबी गरे पनि शेरबहादुर दलको नेतामा पराजित हुने यस्तो भेटियो रहस्य,गगनले पनि हाने किक

नेपाली कांग्रेस संसदीय दलको नेताका लागि मतदान भइरहेको छ ।
मतदान तीव्रगतिमा भइरहेको हो । सोमबारै संघीय संसदको बैठक बस्ने भएकाले पनि नेताहरु छिटोछिटो आफ्नो संसदीय दलको नेता छान्न उत्साही देखिएका छन् ।

निर्वाचन समितिले बिहान १० बजेदेखि मतदान सुरु भएको जनाएको छ ।
५० मिनेटको अवधिमै ३३ मत खसिसकेको छ ।
मतदानको समय दिउँसो १ बजेसम्मलाई रहे पनि छिट्टै सतप्रतिशत मतदान भए तत्कालै गणना गरिने भएको छ ।

पार्टी सभापति शेरबहादुर देउवा र पूर्व महामन्त्री प्रकाशमान सिंहबीच प्रतिस्पर्धा चलिरहेको छ ।
संसदीय दलको नेताका लागि सोमबार बिहान १० बजेदेखि दिउँसो १ बजेसम्म सिंहदरबारस्थित संसदीय दलको कार्यालयमा मतदान हुँदैछ ।

पहिलो मतदान भने सिंहले गरेका छन् ।
सर्वसम्मतिको प्रयास असफल भएपछि दुवैबीच प्रतिस्पर्धा भइरहेको हो । सिंहलाई वरिष्ठ नेता रामचन्द्र पौडेल पक्ष र देउवालाई आफ्नै पक्षको समर्थन छ । पूर्वमहामन्त्री कृष्णप्रसाद सिटौलाकोे समूह भने दुवैतिर बाँडिएको बुझिएको छ ।
सिटौलाबाट पनि भीमसेन दास प्रधान खुलेर देउवातिर लाग्दा गगन थापाको समर्थन भने सिंहलाई रहेको छ ।
यसले पनि भिडन्त अझै रोचक हुने देखिएको छ ।

प्रतिनिधिसभामा कांग्रेसका ६३ सांसद छन् । अंकगणितीय हिसाबले देउवा अगाडि रहेका छन् । उनी बहुमतप्राप्त छन् ।

देउवाका ६३ मध्ये ४० भन्दा बढी सांसद रहेको दाबी गरिएको छ ।
देउवाले यही दाबीलाई आधार मानेर आफूलाई सर्वसम्मत गर्न पौडल पक्षसँग आग्रह गरेका थिए । तर त्यो प्रयास सफल हुन सकेन ।

काँग्रेसभित्र परिवर्तन खोजिएकाले निर्वाचनमा बेहोरेको हारलाई आत्मसात गर्दै देउवाले ठाउँ खाली गरिदिनुपर्ने तर्क गरिएको थियो । त्यसैगरी पाँच वर्षसम्म देउवा पुनः प्रधानमन्त्री बन्ने सम्भावना नभएकाले संसदीय दलको नेतामा अरुलाई ठाउँ दिन आग्रह गरिएको थियो ।
देउवा पक्ष भने प्रतिनिधिसभा र प्रदेशसभाको निर्वाचनमा पार्टीको हारको जिम्मा एक्लै सभापतिले किन लिने रु भन्दै आएको छ । दलको नेतामा सर्वसम्मत नभएपछि भने महामन्त्री डा सशांक कोइराला ब्याक बसेका छन् ।

नेपाली कांग्रेसको संसदीय दलको नेताका लागि आज निर्वाचन हुँदैछ । दलको नेताका लागि सभापति शेरबहादुर देउवा र नेता प्रकाशमान सिंहले उम्मेदवारी दिएका छन् ।

सर्वसम्मत रुपमा नेता चयन गर्ने प्रयास गरिए पनि दुवै आकांक्षी पछि नहटेपछि चुनाव हुन लागेको हो ।
कांग्रेसका नेता तथा सासंद सञ्जय गौतमले सर्वसम्मतिको प्रयास सफल नभएपछि चुनाव हुन लागेको बताए ।
नेता गौतमले देउवालाई दलको नेताको दौडबाट पछि हटेर अरुलाई नै सर्वसम्मत बनाउन आग्रह गरिए पनि नमानेको बताए ।
अहिलेको समयमा नेतृत्व परिवर्तनको खाँचो भए पनि सभापति देउवाले मनन नगरेको उनको तर्क छ ।

अहिलेको परिस्थितीमा संसदमा शसक्त प्रमुख प्रतिपक्षको भूमिका निर्वाह गर्नका लागि देउवाको विकल्प खोज्नुपर्ने बेला भएकाले आफूहरु देउवालाई सर्वसम्मत दलको नेता बनाउनबाट पछि हटेको गौतमले बताए ।
गणितको हिसाब गर्दा देउवाले चुनाव जित्ने अवस्था भनिए पनि कांग्रेसको आवश्यकता अनुसार सासंदहरुले उचित निर्णय गरेर सिंहलाई मत दिने विश्वास गौतमको छ ।

“नेपाली कांग्रेसमा निष्ठावान सासंदहरु छन् । हिजोको विभाजनको आधारमा मात्रै मतदान हुँदैन । माननीय सासंदहरुले विवेकको प्रयोग गर्नुहुन्छ । प्रकाशमानले जित्नुहुन्छ ।”गौतमले भने ।