आज साँझ ओली र प्रचण्डले मन्त्री बन्नेका यी १५ नाम अनुमोदन गर्दै,उपेन्द्र र हृदयशलाई मन्त्री बनाउने तयारी

प्रधानमन्त्री एवं नेकपा एमालेका अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल प्रचण्डबीच भेटवार्ता हुने भएको छ । सरकार बिस्तारबारे छलफल गर्न अध्यक्षद्वयले आज साँझ भेट गर्न लागेका हुन् ।

भेटमा मन्त्रालयको भागबन्डा टुंगिने बालुवाटार स्रोतले जानकारी दियो । बालुवाटार स्रोतका अनुसार एमाले–माओवादी केन्द्रबीच मन्त्रालय भागबन्डा टुंगिन बाँकि रहेको छ । प्रधानमन्त्री कार्यालयसहित १८ मन्त्रालय बनाउने सरकारको निर्णयसँगै एमालेले १० र माओवादीले ७ मन्त्रालय पाउने सहमति गरेको बताइएको छ । मन्त्रालयको संख्यामा समझदारी भए पनि मन्त्रालय भागबन्डाको अन्तिम टुंगो नलागेको बालुवाटार स्रोतले जानकारी दियो ।

प्रधानमन्त्री ओलीले संघीय समाजवादी फोरम र सूर्य चिह्नमा चुनाव लडेका हृदयश त्रिपाठीलाई पनि सरकारमा सहभागी गराउन तयारी थालेका छन् । फोरम अध्यक्ष उपेन्द्र यादव र हृदयश मन्त्री बनाउने प्रधानमन्त्रीको तयारीले पनि एमाले–माओवादीबीच मन्त्रालय भागबन्डा नटुंगिएको हो।

नेकपा माओवादी केन्द्रले एमाले अध्यक्ष केपी शर्मा ओली नेतृत्वको सरकारमा सहभागि हुने मन्त्रीहरुको नाम टुंगो लगाएको छ । केन्द्रीय कार्यालयको सुझाव अनुसार बसेको अध्यक्ष प्रचण्ड, नेता नारायणकाजी श्रेष्ठ र रामबहादुर थापाको बैठकले मन्त्रीहरुको नाम टुंगो लगाएको हो । सकेसम्म सातै प्रदेश तथा जातीय,क्षेत्रीय सन्तुलन, समावेशीकरण जस्ता विषयलाई मध्यनजर गर्दै मन्त्रीहरुको सूची तयार भएको खुमल्टार श्रोतले बताएको छ ।

आकाँक्षी धेरै भएकाले यस पटक अनुभव पनि भएका र काम गरेर परिणाम निकाल्न सक्ने नेताहरुलाई चयन गरिएको छ । मन्त्रीहरुको नामसँगै उनिहरुले सम्हाल्ने मन्त्रालय पनि लगभग टुंगो लगाएको भएपनि माओवादी केन्द्रले सार्वजनिक गरेको छैन । प्रधानमन्त्री ओली नेतृत्वको सरकारमा नेता रामबहादुर थापा, बर्षमान पुन, गिरिराजमणी पोखरेल, शक्तिबहादुर बस्नेत, बिना मगर र अमनलाल मोदी मन्त्री हुने भएका छन् । प्रदेश १ बाट मोदीको विकल्पमा सुदन किराती वा सुरेशकुमार राई ‘हिमाल’ का विषयमा पनि छलफल चलिरहेको श्रोतले बतायो ।

प्रदेश २ को प्रतिनिधित्व मातृका यादव र गिरिराजमणी पोखरेल, ३ बाट रामबहादुर थापाले गरेका छन् । प्रदेश ५ बाट वर्षमान पुन, ६ बाट शक्तिबहादुर बस्नेत तथा प्रदेश ७ बाट बिना मगर मन्त्री हुने पक्का भएको छ ।

यता एमाले बाट इश्वर पोखरेल अर्थ मन्त्री बन्ने भएका हुन्। योगेश भट्टराईले संचार मन्त्रालय पाउने पक्का भएको छ ।प्रदीप ज्ञवाली,घनश्याम भुसाल,गोकुल बास्कोटा,गोकर्ण बिष्ट,पदमा आर्याल पनि मन्त्री बन्ने भएका छन्। बिष्णु पौडेल र सुरेन्द्र पाण्डे पनि मन्त्री बन्ने भए पनी मन्त्रालयको टुंगो आज साझ मात्र लाग्ने भएको छ।