नेप्से ११ अंकले घट्यो, ५९ करोडको सेयर कारोवार
आइतबार बजार नाप्ने नेप्से परिसूचक ११.०५ अंकले घटेर १४१३.९० विन्दुमा आइपुगेको छ । समग्रमा बजार ०.७८५ घटेको हो ।
आज कुल १५९ कम्पनीको ५९ करोड रुपैयाँभन्दा धेरैको सेयर कारोबार भएको छ । १४ लाख २९ हजार ३५९ कित्ता सेयर किनबेच भएका हुन् । नेप्सेमा कारोबार भएका ९ वटा समूहमध्ये उत्पादनमूलकबाहेक बाँकी सबै समूहका सूचक तल झरेका छन् । सबैभन्दा धेरै बिमा समूहको सूचक १०७.४८ अंकले तल झरेको छ ।
यसैगरी, होटेल समूहमा ३८.६४ अंक र माइक्रोफाइनान्समा ३०.३२ अंकको गिरावट आएको छ । यता, उत्पादनमूलक समूह भने ९.६९ अंकले माथि लागेको छ । कारोबार रकमका आधारमा नेपाल इन्भेष्टमेन्ट बैंकले अग्रता लिएको छ । इन्भेष्टमेन्टको २ करोड ८१ लाख रुपैयाँभन्दा धेरैको सेयर कारोबार भएको छ । यसैगरी, कारोबार रकमकै आधारमा दोस्रो र तेस्रो स्थानमा क्रमशः सानिमा बैंक र नबिल बैंक परेका छन् ।
