क्यानडालाई हराए नेपाल विश्वकप छनोटमा
विश्व क्रिकेट लिग डिभिजन टूमा नेपालले चारमध्ये तीन खेल जितेको छ । तर, अझै पनि नेपालका लागि प्रतियोगिताको फाइनल यात्रा सुरक्षित भएको छैन ।
नेपालले भोलि क्यानाडासँग समूह चरणको अन्तिम खेल खेल्दैछ । कठिन प्रतिद्वन्द्वीविरुद्धको यो म्याच नेपालका लागि ‘निर्णायक’ बन्न सक्छ ।
नेपाल विश्व क्रिकेट लिग च्याम्पियनसिपबाटै विश्वकप छनोटमा स्थान बनाउन चाहन्थ्यो । तर, हङकङसँगको हारसँगै त्यो सम्भावना टर्यो । यद्यपि, डिभिजन टूको शीर्ष दुई टोलीले पनि छनोट खेल्ने भएकाले नेपालले आश मारेको छैन ।
ओमानसँग अनेपक्षित हार व्यहारेको नेपालले विश्वकप छनोट खेल्ने सम्भावना कति छ त ?
अंक तालिकामा अहिले क्यानडा र नेपालको समान ६ अंक छ । तर, नेट रन रेटमा क्यानडा अगाडि भएका कारण शीर्ष स्थानमा छ भने नेपाल दोस्रो स्थानमा ।
यूएई र नामिबियाको दुबैको समान ४–४ अंक छ । नामिबियाले त अझ एक खेल कम खेल्न बाँकी नै छ । यस्तो अवस्थामा विश्वकप छनोट खेल्ने सम्भावना क्यानाडा र नेपालको मात्र होइन, यूएई र नामिबियाको पनि छ । केन्या र ओमानको विश्वकप छनोट खेल्ने सम्भावना भने टर्यो ।
आज नामिबियाले केन्यासँग खेल्नेछ । भोलि तीन खेल छन्, नेपाल भर्सेस क्यानडा, नामिबिया भर्सेस यूएई र केन्या भर्सेस ओमान ।
यदि नेपालले क्यानडालाई हराउन सक्यो भने अरु परिणाम जे भए पनि, नेपालले फाइनलसँगै विश्वकप छनोटमा स्थान पक्का गर्नेछ । किनकी नेपालको ८ अंक हुनेछ र बाँकी टिममा नामिबियाको मात्र ८ अंक पुग्ने सम्भावना कायम छ ।
यदि उसले केन्या र यूएई दुबैलाई हराउन सक्यो भने फाइनलसँगै विश्वकप छनोटमा स्थान बनाउँछ ।
तर, क्यानडासँग नेपाल हार्यो भने फाइनलमा विश्वकप छनोट खेल्ने सम्भावना लगभग अन्त्य हुनेछ किनकि नेपालको रनरेट कमजोर छ ।
नामिबिया र यूएई एकअर्कासँग भएकाले जुन टिम विजयी भए पनि उसले अघिल्लो चरणमा स्थान बनाउने छ ।
किनकी नेट रनरेट नेपालको भन्दा दुबै टिमको राम्रो छ ।
तर, एउटा गणीतीय सम्भावना छ ।
यदि आज केन्याले नामिबियालाई हरायो र यूएई भर्सेस नामिबियाको खेल वर्षाले विथोलिएर दुबैले अंक बाँडे भने नेपालको सम्भावना रहन्छ ।
तर, ढुक्कसँग विश्वकप छनोटमा स्थान बनाउने हो भने नेपालले क्यानाडालाई नहराई सुख्खै छैन ।
क्रिष्टियानो रोनाल्डोले स्वीकार गरेका छन् कि पेरिस सेन्ट जर्मेलाई हराउन रियल मड्रिड आफ्नो लयमा फर्किनुपर्छ ।
च्याम्पियन्स लिगमा पीएसजीसँग खेल्नुअघि रोनाल्डोले रियल सोसिडाडविरुद्ध ह्याट्रिक गरेका छन् । उनले एक अन्तर्वार्तामा भनेका छन्, ‘च्याम्पियन्स लिगमा अघिल्लो चरणमा पुग्न हामीले निकै ध्यान दिनुपर्छ र दुई शानदार खेल खेल्नुपर्छ ।’
पीएसजी बलियो टिम हो तर, हामीसँग अनुभव छः रोनाल्डो
रोनाल्डोले पीएसजी उत्कृष्ट खेलाडीहरु भएको बलियो टिम भएको तर रियल मड्रिडले पटकपटक थुप्रै अनुभवी खेलाडीहरुको बलियो टिम भएको प्रमाणित गरिसकेको बताए ।
उनले भने, ‘हामी पीएसजीलाई सम्मान गर्छौं तर हामी धेरै एकतावद्ध छौं ।’
यो सिजन रोनाल्डोसँगै रियल मड्रिडको प्रदर्शन पनि राम्रो हुन सकेको छैन । उनले भने, ‘यद्यपि, अनुभवले मलाई सिकाएको छ कि लक्ष्य प्राप्त गर्न कडा मेहनत गर्नुपर्छ ।’
