प्रदेश ३ को सभामुखमा ओली गुटका सानु श्रेष्ठ निर्विरोध



प्रदेश नम्बर ३ को सभामुखमा एमालेका सानुकुमार श्रेष्ठ निर्विरोध चयन भएका छन्।

शनिबार भएको निर्वाचन प्रक्रियामा श्रेष्ठको मात्र एक्लो उम्मेदवारी परेपछि उनी निर्विरोध निर्वाचित भएका हुन्। दिउँसो १ बजेसम्म मनोनयनका लागि दिइएको समयभित्र श्रेष्ठको मात्र उम्मेदवारी परेको थियो।

प्रदेश ३ मा एमालेलाई बहुमत प्राप्त छ। १ सय १० जनाको प्रदेशसभामा एमालेबाट ५८ सांसद छन्। श्रेष्ठ एमालेभित्र पार्टी अध्यक्ष केपी ओली पक्षका हुन्। सो प्रदेशमा एमालेले माओवादीसँग मिलेर प्रादेशिक सरकार चलाउनेछ।

शुक्रबारमात्र एमालेबाट प्रदेश ३ को संसदीय दलको नेतामा डोरमाणि पौडेल निर्वाचित भएका थिए। उनी मुख्यमन्त्री बन्ने निश्चित छ।

आजै अपराह्न निर्वाचित सभामुख श्रेष्ठलाई प्रदेश प्रमुख अनुराधा कोइरालाले शपथ ग्रहण गराउने कार्यक्रम छ। नवनिर्वाचित सभामुख श्रेष्ठले आजै साँझ पदभार ग्रहण गर्नेछन्।

प्रतिक्रिया दिनुहोस
निगमभित्र पाइलटको मनोमानी, क्यानले छानवीन गर्दै

    नेपाल वायू सेवा निगमको कर्मचारी पदोन्नतीमा व्यक्तिगत मोलाहिजा र भेदभाव भएको

प्रधानमन्त्रीसँगै मन्त्रिपरिषदलाई पुर्णता दिएर सरकारलाई फूल गियरमा कुदाउने तयारी

    आइतवार नयाँ सरकार गठनको गृहकार्यमा जुटेका नेपाली कांग्रेस र नेकपा एमालेले

कांग्रेसबाट ५ जना मन्त्रीको नाम टुंगियो

    कांग्रेस सभापति शेरबहादुर देउवाले पार्टीका एमाले अध्यक्ष केपी शर्मा ओलीले नेतृत्वको

केपी शर्मा ओलीलाई आइतबार प्रधानमन्त्रीमा नियुक्त गर्ने

    राष्ट्रपति रामचन्द्र पौडेलले नेकपा एमालेका अध्यक्ष केपी शर्मा ओलीलाई आइतबार प्रधानमन्त्रीमा