साताको अन्तिम दिन ९ अंकले बढ्यो नेप्से
साताको अन्तिम दिनको कारोबारमा शेयर बजार ९.०१ अंकले बढेर १३९१.०१ अंकमा पुगेर रोकिएको छ। बजार बढे पनि करोबारमा भने सुधार भएन। बिहीबार २६ करोड ८५ लाख रुपैयाँको मात्र शेयर कारोबार भएको छ।
विहीबार सबैभन्दा धेरै करोबार नेपाल बैंकको भएको छ। नेपाल बैंकको २ करोड ४१ लाख रुपैयाँको करोबार भयो। त्यस्तै सूर्योदय लघुवित्तका शेयरधनीले सबैभन्दा धेरै ९.९६ प्रतिशतले कमाएका छन् भने सबैभन्दा धेरै आरएसडिसी लघुवित्त वित्तीय संस्थाका शेयरधनीले ९.९८ प्रतिशतले घुमाएका छन्।
बिहीबार ट्रेडिङ र फाइनान्सका उपसूचक बाहेक सबै उपसूचक उकालो लागेका छन्। ट्रेडिङको उपसूचक ०.०४ प्रतिशत र फाइनान्सको उपसूचक ०.०२ प्रतिशतले घटेको हो। सपोर्ट माइक्रोफाइनान्स वित्तीय संस्थाको ६ लाख कित्ता प्राथमिक शेयर सूचिकरण भएको छ।
