प्रतिनिधिसभाको समानुपातिक सिट बाँडफाँट गर्दै यसरी अन्तिम नतिजा निकाल्दैछ आयोग,कुन दलका कति सांसद?



निर्वाचन आयोगले प्रतिनिधिसभा सदस्य निर्वाचनको समानुपातिकतर्फको मतपरिणाम आज सार्वजनिक गर्दैछ। आयोगले साँझसम्म प्रतिनिधिसभा निर्वाचनमा दलहरुले प्राप्त गरेको सिटको बाँडफाँट सार्वजनिक गर्न लागेको हो।

आयोगका प्रवक्ता नवराज ढकालले आज बेलुकासम्म प्रतिनिधिसभाको समानुपातिक नतिजा सार्वजनीक गर्ने बताए। समानुपातिकको मतगणना सकिए पनि कानुनी जटिलता देखिएको भन्दै आयोगले त्यसको नतिजा रोकेर राखेको थियो। राष्ट्रियसभाको निर्वाचन सम्पन्न भएर नतिजा आएसँगै आयोगले प्रतिनिधिसभा सदस्यको मतपरिणाम सार्वजनिक गर्न लागेको छ।

आयोगका अनुसार थ्रेसहोल्ड कटाएका ५ वटा राष्ट्रिय पार्टीलाई मात्र समानुपातिकको सिट बाँडफाँट गरिनेछ। गत मंसिर १० र २१ गते भएको निर्वाचनमा एमाले, माओवादी, कांग्रेस र दुई मधेसकेन्द्रित दल राष्ट्रिय जनता पार्टी नेपाल र संघीय समाजवादी फोरमले थ्रेसहोल्ड कटाएका थिए।

आयोगका अनुसार पहिलो दल बनेको एमालेले समानुपातिकतर्फ ३१ लाख ७३ हजार ४ सय ९४ मत ल्याएको छ। प्रत्यक्षतर्फ दोस्रो भए पनि कांग्रेसले समानुपातिकतर्फ ३१ लाख २८ हजार ३ सय ८९ मत र तेस्रो माओवादीले १३ लाख ३ हजार ७ सय २१ मत प्राप्त गरेको छ।

राष्ट्रिय जनता पार्टी नेपालले ४ लाख ७२ हजार २ सय ५४ र संघीय समाजवादी फोरम नेपालले ४ लाख ७० हजार २ सय १ मत ल्याएका छन्।

आयोगले समानुपातिकतर्फको सिट बाँडफाँट गर्दै तीन दिनभित्र नामावली बुझाउन दलहरुलाई समय सीमा दिने तयारी गरेको छ। समानुपातिकतर्फको नतिजासँगै निर्वाचनको सम्पूर्ण विवरण फागुनको पहिलो साताभित्र राष्ट्रपतिलाई बुझाउने निर्वाचन आयोगको तयारी छ।

त्यसपछि नयाँ सरकार गठनको प्रक्रिया अघि बढ्नेछ।

प्रतिक्रिया दिनुहोस
ओलीको नेतृत्वमा मुलुकले उन्नतिको बाटो समात्नेछ : देउवा

     नेपाली कांग्रेसका सभापति शेरबहादुर देउवाले एमाले अध्यक्ष केपी शर्मा ओली नेतृत्वको

कांग्रेस-एमालेबीचको ७ बुँदे सहमति प्रधानमन्त्री ओलीले सुनाए

     प्रधानमन्त्री केपी शर्मा ओलीले कांग्रेससँग भएको सात बुँदे सहमति बाचन गरेका

सहकारी ठगलाई कारबाही गर्छौँ : प्रधानमन्त्री ओली

    प्रधानमन्त्री केपी शर्मा ओलीले कुनै कालखण्डमा भएको भ्रष्टाचार र जोकोही भ्रष्टाचारी

बागमतीका मुख्यमन्त्री जम्कट्टेलले राजीनामा दिने

    नेकपा माओवादी केन्द्र बागमती प्रदेश संसदीय दलको सुझावपछि मुख्यमन्त्री शालिकराम जम्कट्टेलले