पर्यटकको पर्खाइमा पञ्चासेको होमस्टे



पञ्चासे क्षेत्र घुम्न आउने पर्यटकलाई लक्ष्य गरी सञ्चालन गरिएको चित्रेको होमस्टे सेवा प्रभावकारी बन्दै गएको छ ।

गाउँको उत्पादनका साथै स्थानीय कला र संस्कृतिमा रमाउन पाइने भएपछि पर्यटक आकर्षित हुन थालेका हुन् । होमस्टे सेवा शुरु गरेपछि गाउँमा आउने पर्यटकको संख्या बढ्न थालेसँगै स्थानीयमा समेत उत्साह बढेको छ ।

होमस्टेसहितको न्यानो अतिथि सत्कारको प्रबन्ध भएपछि गाउँमा आउने पर्यटकको संख्यामा वृद्धि भएको छ । सदरमुकामबाट ११ किलोमिटर पक्की सडक र सात किलोमिटर गोरेटोबाटो हिँडेपछि चित्रे पुग्न सकिन्छ ।

पञ्चासेको फेदीमा रहेको चित्रे गाउँमा बाह्य पर्यटकभन्दा आन्तरिक पर्यटक बढी आउने गरेको होमस्टे सञ्चालक विष्णुकुमारी गुरुङ बताउनुहुन्छ । घुम्न आउने पाहुनालाई उचित गाँसबास र कपासको व्यवस्थापन गर्नकै लागि होमस्टे सञ्चालनमा ल्याइएको उहाँले बताउनुभयो ।

ग्रामीण क्षेत्रको बसाई र स्थानीय उत्पादनको उपभोग गर्न पाइने भएपछि आन्तरिक पर्यटकको संख्या बढेको स्थानीयवासी बताउँछन् । पञ्चासे अवलोकनका लागि आउने पर्यटकलाई खाना र बस्नको लागि असुविधा हुन थालेपछि गाउँमा होमस्टेको शुरुवात गरिएको शिक्षक मधुसुधन अधिकारीले बताउनुभयो । अहिले चित्रेमा वार्षिकरुपमा तीन हजारभन्दा बढी आन्तरिक तथा बाह्य पर्यटक आउने गरेको चित्रे ग्रामीण पर्यटन होमस्टेको तथ्यांकमा उल्लेख छ ।

पाहुनाका लागि स्थानीयस्तरमा उत्पादन हुने खाना, लोकल कुखुरा, कोदो र मकैका परिकारले स्वागत सत्कार गर्ने गरिएको छ । विसं २०६६ मा एउटा घरबाट शुरु गरिएको होमस्टे हाल १० वटा घरमा फैलिएको छ । होमस्टेमा अहिले एक पटकमा ६५ जनालाई बस्न सक्ने गरी व्यवस्था मिलाइएको छ । आगामी दिनमा अन्य घरमा समेत विस्तार गर्ने योजना रहेको सञ्चालक समितिका अध्यक्ष सुशीला गुरुङले बताउनुभयो ।

पछिल्लो समयमा जिल्लास्तरमा हुने गोष्ठी, सेमिनार र अन्तरक्रिया कार्यक्रमसमेत पर्यटकीय गाउँ चित्रेमा आयोजना हुन थालेपछि स्थानीयवासीको सहभागितामा बहुद्देश्यीय सामुदायिक भवन निर्माण गरी खाना खुवाउने तथा कार्यक्रम गरिँदै आएको छ । सुन्दर तथा प्राकृतिक उक्त क्षेत्रको विकास र होमस्टे प्रवद्र्धनमार्फत स्थानीयवासीको जीविकोपार्जन तथा ग्रामीण पर्यटनको सम्भावना बढाउन सरकारले विशेष नीति ल्याउनुपर्ने स्थानीयवासीको माग छ ।

अग्ला हिमाली डाँडा, मनोरम ग्रामीण परिवेश, दुर्लभ र बहुमूल्य जडीबुटी पाइने पञ्चासेको घना जंगल र न्यानो आतिथ्यताका कारण यहाँ आन्तरिक पर्यटकको संख्यामा वृद्धि हुँदैगएको छ ।

प्रतिक्रिया दिनुहोस
निगमभित्र पाइलटको मनोमानी, क्यानले छानवीन गर्दै

    नेपाल वायू सेवा निगमको कर्मचारी पदोन्नतीमा व्यक्तिगत मोलाहिजा र भेदभाव भएको

प्रधानमन्त्रीसँगै मन्त्रिपरिषदलाई पुर्णता दिएर सरकारलाई फूल गियरमा कुदाउने तयारी

    आइतवार नयाँ सरकार गठनको गृहकार्यमा जुटेका नेपाली कांग्रेस र नेकपा एमालेले

कांग्रेसबाट ५ जना मन्त्रीको नाम टुंगियो

    कांग्रेस सभापति शेरबहादुर देउवाले पार्टीका एमाले अध्यक्ष केपी शर्मा ओलीले नेतृत्वको

केपी शर्मा ओलीलाई आइतबार प्रधानमन्त्रीमा नियुक्त गर्ने

    राष्ट्रपति रामचन्द्र पौडेलले नेकपा एमालेका अध्यक्ष केपी शर्मा ओलीलाई आइतबार प्रधानमन्त्रीमा