२१ वर्षअघिको लागूऔषध मुद्दामा एभरेष्ट होटलका मालिक लारी पक्राउ
लागूऔषध तस्करी मुद्दामा फरार रहेका एभरेष्ट होटलका संचालक मस्कुर अहमद लारी पक्राउ परेका छन्। महानगरीय प्रहरी कार्यालय र महाराजगंज वृत्तलेले बिहिबार उनलाई महाराजगञ्जबाट पक्राउ गरेको हो।
२१ वर्षअघिको लागूऔषध मुद्दामा उनी पक्राउ परेका हुन्।
१९९७ मा जर्मनीको फ्रयांकफर्ट विमानस्थलमा फेला परेको २ सय ५० किलो चरेस बरामद भएको थियो। जसमा उनको संलग्ता खुलकोे थियो।
प्रहरीले पक्राउ गर्न नसकेपछि अभियुक्त फरार रहेको भनी जिल्ला अदालतमा मुद्दा तामेली राखिएको थियो। तर जिल्लाले उक्त मुद्दा जगाउँदै पुन सुनुवाइ गरेपछि २०६८ मा मस्कुरको नाममा पक्राउ आदेश जारी भएको थियो। त्यसयता उनी फरार थिए।
दुई दिनअघि मात्र एभरेष्ट होटलको शेयरसम्बन्धि विवाद मुद्दा उनले जितेका थिए।
महानगरीय प्रहरी कार्यालय,रानीपोखरीका डिआईजी गणेश केसीले लारी पक्राउ परेको पुष्टि गर्दै उनलाई अदालत पेश गर्ने तयारी भइरहेको बताए।
