नेपाल बैंकको १ करोड ७६ लाख ८४ हजार कित्ता एफपिओ आउँदै
नेपाल बैंक लिमिटेडएले एफपिओ निष्काशन गर्ने भएको छ । बैंकको माघ २३ गते बसेको संचालक समितिको बैठकले चुक्ता पुंजी बिक्रि गर्न प्रिमियम मूल्यमा १ अर्ब ७६ करोड ८४ लाख ८५ हजार ८ सय रुपैयाँ बराबरको एक करोड ७६ लाख ८४ हजार ८५८ कित्ता एफपिओ जारी गर्ने प्रस्ताव गरेको छ ।
राष्ट्र बैंकले तोकेको न्यूनतम आठ अर्ब चुक्तापूँजी पुर्याईसकेपछि बैंकले थप सार्वजनिक निष्कासन एफपिओ जारी गर्ने तयारी गरेको हो । हाल बैंकको चुक्ता पुंजी ८ अर्ब ४ करोड २६ लाख रुपैंया रहेको छ ।
बैंकले चालु आर्थिक बर्षको दोस्रो त्रैमाससम्ममा एक अर्ब ६३ करोड ८४ लाख खुद नाफा कमाएको छ ।
हाल बैंकमा सरकारको सेयर स्वामित्व ६२.३८ प्रतिशत छ । एफपिओपछि सरकारको स्वामित्व ५१ प्रतिशतमा झर्ने छ ।
