२४ करोडको सेयर कारोवार हुँदा सबै सूचक राताम्मे

मंगलबार शेयर बजार ६.०२ अंकले घटेर १३९४.०३ अंकमा ओर्लिएको छ। क बर्गका कम्पनीहरुको कारोबार मापन गर्ने सेन्सेटिभ इन्डेक्स १.१७ अंकले घटेर २९४.६२ अंकमा झरेको छ। कारोबारमा आएका सबै सूचक राताम्मे भएका छन् ।

सबैभन्दा बढी बीमासमूहको सूचक ३० अंकले ओरालो लागेको छ । मंगलबार ९ समूहको मात्र बजारमा कारोबार भएको छ ।

आज बजारमा कुल १५२ कम्पनीको ७ लाख ९ हजार कित्ता सेयर २४ करोड २० लाख रुपैयाको कारोबार भयो।

सबैभन्दा बढी लक्ष्मी विकास बैंकको ५० हजार कित्ता सेयर किनबेच भएका छन् । त्यस्तै गरी सबैभन्दा बढी सानिमा माई हाइड्रोपावरको एक करोड ६३ लाख रुपैयाँ बराबरको सेयर कारोबार भएका छन् ।