चरेश तस्करी गर्ने विप्लबका कार्यकर्ता र प्रहरीबीच यसरी भयो ‘इन्काउन्टर’



चरेश तस्करहरुलाई पछ्याउदै गएको प्रहरी र लुटेरा समूहबीच धादिङमा ‘इन्काउन्टर’ भएको छ। प्रहरीलाई आक्रमण गर्दै भाग्न खोज्ने ४ जना लुटेरा र १ जना चरेश तस्कर पक्राउ परेका छन्। केही भागेका छन्।

शनिबार बेलुका ईलाका प्रहरी कार्यालय गजुरीबाट प्रहरी निरीक्षक संजय तिमल्सिना नेतृत्वमा खटिएको प्रहरी टोलीसँग चरेश लुटेराहरुको बाटोमा इन्काउन्टर भएको हो। सुरुमा उनीहरुले प्रहरीलाई नै आक्रमण गर्न खोजेको थिए। प्रहरीलाई आक्रमण गरेर भाग्न खोज्ने दुई जनालाई तत्काल प्रहरीले पक्राउ गरेको थप २ जनालाई पछि पक्राउ गरेको हो।
पृथ्वी राजमार्गको जरेखेत र पोखरेखोला बिचको जंगलमा एम्बुसीङ राखेर लुटेरा समूहले चरेश तस्करहरुसँग पैसा उठाउन बसिहरेका थिए। ठुलो मात्रामा चरेश तस्करी हुन लागेको सूचनाका आधारमा पक्राउका लागि प्रहरी टोली त्यहाँ पुग्दा हातमा उनीहरुसँग इन्काउन्टर भएको हो।

जसक्रममा प्रहरीले धादिङ गल्छीका श्याम बहादुर तामाङ र बिनोद तामाङलाई तत्काल नियन्त्रणमा लिएको थियो। बाटोमा बसेका अन्य व्यक्तिहरु भागेका थएि।
थप अनुसन्धानको क्रममा बिहान साढे २ बजे चरेश तस्कर र सोही लुटेरा समूहका थप व्यक्तिहरु पक्राउ परेका हुन्।

उता प्रहरीले राजमार्गको पोखरेखोला छेउमा ना. ३ ख ४३२४ नं.को ट्रकमा केही सामान राख्दै गरेको सुचना पाएको थियो । सोही सूचनाका आधारमा गजुरीस्थित चेक पोईन्टमा सो ट्रकलाई खानतलासी गर्दा गियर बक्स तथा ड्राईभर बस्ने सिट भन्दा ठीक माथी फल्स बटन बनाई लुकाई राखेको १६९ किलो ९ ग्राम चरेश भेटिएको थियो। चरेससहित प्रहरीले ट्रक चालक हेटौंडाका रामकृष्ण श्रेष्ठलाई पक्राउ परे।

लुटेराको समूहले पनि सोही ट्रकलाई मोटरसाइकलमा पछ्याइरहेका थिए। ट्रक चालकलाई धम्काएर पैसा लिने नत्र चरेश नै लुट्ने उनीहरुको योजना थियो। ट्रकलाई बा ३३ प ७०२५ नं.को मोटर साईकल, बा ३६ प ४५६५ नंं.को मोटरसाइकलमा सवार गजुरीका देब बहादुर तामाङ र गल्छी नवराज तामाङलाई प्रहरीले पक्राउ गरेको हो।

पक्राउ परेकाहरु नेत्र बिक्रम चन्द ‘विप्लव’ नेतृत्वको नेपाल कम्यूनिष्ट पार्टीका जिल्ला नेताहरु भएको प्रहरीले जनाएको छ। सो समूहका फरार रहेका अन्य व्यक्तिहरुको खोजी भइरहेको प्रहरी निरीक्षक तिमल्सिनाले बताए। हाल चरेश तस्करीको समय भएकाले त्यसविरुद्ध सर्तकता बढाइएको धादिङ प्रहरीले जनाएको छ।

प्रतिक्रिया दिनुहोस
अरनिको बसपार्क नभत्काउन उच्च अदालतको आदेश

  उच्च अदालत पाटनले काठमाडौं महानगरपालिका–३२ स्थित जडीबुटीमा पूर्वअरनिको यातायात प्रालिले निर्माण गरेको

सरकार र शिक्षकबीच पाँचबुँदे सहमति

  सरकार र आन्दोलनरत राहत तथा बालविकास शिक्षकहरुबीच पाँचबुँदे सहमति भएको छ ।

चिकित्सकमाथि कुटपिट गर्नेलाई कारबाही गर्न सरकारको निर्देशन

  शिक्षा, स्वास्थ्य तथा सूचना प्रविधि समितिले चिकित्सकमाथि कुटपिट गर्नेलाई कारबाही गर्न सरकारलाई

मतदान अझै शुरु हुन सकेन

  आठ गते अधिवेशन उदघाटन भोलिपल्ट नौ गते प्रज्ञाभवनमा नेतृत्व चयन प्रक्रिया अगाढि