यस्तो अन्तरिम कार्यविधी पारित गर्दै प्रदेश ३ को पहिलो बैठक सम्पन्न
प्रदेश ३ को पहिलो संसद बैठक सम्पन्न भएको छ । बैठकले प्रदेश सभा संचालनका लागि अन्तरिम कार्यविधी सर्वसम्म रुपमा पारित गर्नुका साथै सभाभमुखको निर्वाचनको मिति समेत तय गरेको छ । सभामुख निर्वाचन २७ गते हुने भएको छ । जेष्ठताका आधारमा पहिलो वैठक संचालन गरेको सभामुख डोरमणी पौडेलले सभामुख निर्वाचनको मिति घोषणा गर्दै निर्वाचन तालिका आजै सार्वजनिक गर्न संसद सचिवालयलाई निर्देशन दिएका छन् ।
पहिलो वैठकमा एमालेबाट अष्टलक्षमी शाक्य, माओवादी केन्द्रबाट शालिकराम जमरकटेल, नेपाली काङ्ग्रेसबाट इन्द्र बाहादुर बानिया, विवेकशिल साझा पार्टीबाट रमेश पौडेल,नेपाल मजदुर किसान पार्टीबाट शुरेन्द्र घोसला,रा.नेपाल प्रजातान्त्रिक पार्टी बाट रिना गुरुङ , रा.प्रजातान्त्रिक पार्टी बाट रिता माझी, नंया शक्ति पार्टीबाट प्रेम बा. लामा लगायतले सम्बोधन गरेका छन ।
