नेप्से परिसूचक सामान्य अंकले बढ्यो, ३५ करोडको सेयर कारोवार
साताको पहिलो दिन आइतबार बजार परिसूचक नेप्से १.४२ अंकले बढेर १४०५.९५ को उचाईमा पुगेको छ । आज कारोबारमा आएका १५८ कम्पनीका ८ लाख ५१ हजार ३ सय ३५ कित्ता शेयर खरिद बिक्रिबाट ३५ करोड ४७ लाख २१ हजार ७ सय ४८ रुपियाँको कारोबार भएको छ ।
आज कारोबारमा आएका समुहगत सूचक मध्ये विकास बैंक र बैंकिंग समूह बाहेकका सबै सूचक घटेका छन् ।
आज सानिमा माइ हाइड्रोको सर्बाधिक २ करोड ६८ लाखको कारोबार भएको छ । अन्य बढी कारोबार हुनेमा कृषि विकास बैंक, नेपाल लाइफ इन्स्योरेन्स, नेपाल बैंक, हिमालयन पावर पार्टनर, एनएमबि बैंक लगायत रहेका छन् ।
आज एनएमबि बैंकका लगानीकर्ताले सर्बाधिक ३.५८ प्रतिशत कमाएका छन् । बैंकले आज मात्र दोस्रो त्रैमासको उत्कृष्ट वित्तीय विवरण सार्बजनिक गरेको थियो । अन्य बढी कमाउनेमा वल्ड मर्चेन्ट बैंकिंग एण्ड फाइनान्स, लक्ष्मी बैंक, नेको इन्स्योरेन्स, निर्धन उत्थान बैंक लगायत रहेका छन् ।
आज सिन्धु विकास बैंकका लगानीकर्ताले सर्बाधिक ६.२ प्रतिशत गुमाएका छन् । अन्य बढी गुमाउनेमा बिशाल बजार कम्पनी, मल्टिपर्पोज फाइनान्स, मिर्मिरे माइक्रोफाइनान्स लगायत रहेका छन् ।
