सूर्योदय लघुवित्तले पायो ७० प्रतिशत हकप्रद निष्काशन गर्ने अनुमति
सूर्योदय लघुवित्त वित्तीय संस्था लिमिटेडले ७० प्रतिशत अर्थात एक बराबर शून्य दशमलव ७० को अनुपातमा हकप्रद सेयर निष्काशन गर्ने अनुमति पाएको छ । संस्थाले एक सय रुपैयाँ अंकित मूल्यमा दुई करोड ८० लाख रुपैयाँ बराबरको दुई लाख ८० हजार कित्ता हकप्रद सेयर निष्काशन गर्न नेपाल धितोपत्र बोर्डबाट अनुमति पाएको हो ।
हाल सूर्योदय लघुवित्तको चुक्तापुँजी चार करोड रुपैयाँ रहेको छ । ७० प्रतिशत हकप्रद सेयर जारी गरेपछि लघुवित्तको चुक्तापुँजी छ करोड ८० लाख रुपैयाँ पुग्नेछ । हकप्रद निष्काशनका लागि संस्थाले सेयर निष्काशन तथा विक्री प्रबन्धकमा ग्लोबल आईएमई क्यापिटल लिमिटेडलाई नियुक्त गरेको छ ।
