प्रचण्डलाई पारा छुटाउने गरी ओलीले भने- सरकार गठन अघि कि पार्टी एकता अघि भन्ने प्रश्नको कुनै अर्थ छैन



एमालेका अध्यक्ष केपी शर्मा ओलीले पहिले सरकार गठन कि पार्टी एकता भन्ने प्रश्नको अर्थ नहुने बताएका छन्। ओलीको नेतृत्वमा वामगठबन्धनको सरकार गठनअघि नै पार्टी एकता प्रक्रिय सुरु हुनुपर्ने माओवादी केन्द्रका नेताहरूको भनाइतिर लक्षित गर्दै ओलीले सरकार बन्नुअघि एकता नहुने संकेत गरेका हुन्।

सरकार गठनको कुरा बेग्लै हो, पार्टी एकताको कुरा बेग्लै हो’, ओलीले बिहिबार काठमाडौंमा आयोजित पत्रकार सम्मेलनमा भने, ‘सरकार गठन अघि कि पार्टी एकता अघि भन्ने प्रश्नको कुनै अर्थ छैन।’

एमाले र माओवादीका नेताहरूले निर्वाचन सम्पन्न भएलगत्तै पार्टी एकता हुने बताउँदै आए तापनि अहिलेसम्म त्यसको प्रष्ट खाका आइसकेको छैन। ओली आफैंले पनि अघिल्लो साता नियमति स्वास्थ्य जाँचका लागि बैंकक जानुअघि १५ दिनभित्र एकता हुने बताएका थिए।

काठमाडौं फर्केपछि ओलीले माओवादी अध्यक्ष पुष्पकमल दाहाल प्रचण्डसँग एक्लाएक्लै दुई पटक भेटवार्ता गरी एकताबारे छलफल गरेका छन्। तर ओली र दाहाल दुवैले एकता प्रक्रियाबारे सकारात्मक छलफल भएको बताउने गरे पनि त्यसले कति अवधी लिन्छ भन्ने खुलाएका छैनन्।

केही दिनअघि बसेको पार्टी एकता संयोजन समिति बैठकमा पनि पार्टी एकता भन्दा अरु नै विषयले प्राथकिता पाएपछि एमाले–माओवादी एकताले लामो बाटो लिने अनुमान कार्यकर्ताहरूले गर्न थालेका छन्।
यही अवस्थामा ओलीले बिहिबार सरकार गठनअघि पार्टी एकता नहुने प्रष्ट संकेत दिएका छन्।

प्रतिक्रिया दिनुहोस
ओलीको नेतृत्वमा मुलुकले उन्नतिको बाटो समात्नेछ : देउवा

     नेपाली कांग्रेसका सभापति शेरबहादुर देउवाले एमाले अध्यक्ष केपी शर्मा ओली नेतृत्वको

कांग्रेस-एमालेबीचको ७ बुँदे सहमति प्रधानमन्त्री ओलीले सुनाए

     प्रधानमन्त्री केपी शर्मा ओलीले कांग्रेससँग भएको सात बुँदे सहमति बाचन गरेका

सहकारी ठगलाई कारबाही गर्छौँ : प्रधानमन्त्री ओली

    प्रधानमन्त्री केपी शर्मा ओलीले कुनै कालखण्डमा भएको भ्रष्टाचार र जोकोही भ्रष्टाचारी

बागमतीका मुख्यमन्त्री जम्कट्टेलले राजीनामा दिने

    नेकपा माओवादी केन्द्र बागमती प्रदेश संसदीय दलको सुझावपछि मुख्यमन्त्री शालिकराम जम्कट्टेलले