नेप्से परिसूचक ९ अंकले बढ्यो, विकास बैंक र अन्य बाहेक सबै समूह हरिया
साताको अन्तिम दिन बिहिबार नेप्से परिसूचक ९.८० अंकले बढेर १४०४.५३ को उचाईमा पुगेर रोकिएको छ । आज कारोबारमा आएका १५९ कम्पनीका ६ लाख ६२ हजार १ सय ६९ कित्ता शेयर खरिद बिक्रिबाट २८ करोड २२ लाख ४१ हजार ५ सय ५२ रुपियाँको कारोबार भएको छ ।
आज कारोबारमा आएका विकास बैंक र अन्य बाहेक सबै समुहगत सूचक बढेका छन् । आज सानिमा माई हाइड्रोको १ करोड ८१ लाख बराबरको कारोबार भएको छ । अन्य बढी कारोबार हुनेमा नेपाल बैंक, फरवार्ड माइक्रोफाइनान्स, नेपाल लाइफ इन्स्योरेन्स , नबिल बैंक लगायत रहेका छन् ।
आज बिशाल बजार कम्पनीका लगानीकर्ताले सर्बाधिक ५.१९ प्रतिशत तथा बोटलर्स नेपाल तराई लिमिटेडका लगानीकर्ताले ४.१७ प्रतिशत कमाएका छन् । त्यस्तै आज हिमालयन डिस्टिलरीको शेयर मूल्य ३.९७ प्रतिशत, नेको इन्स्योरेन्सको ३.७७ र श्री इन्भेस्टमेन्ट एण्ड फाइनान्सको शेयर मूल्य ३.४५ प्रतिशतले बढेको छ।
आज गुहेश्वरी मर्चेन्ट बैंक एण्ड फाइनान्सका लगानीकर्ताले सर्बाधिक ३.२ प्रतिशत तथा सिनर्जी पावरका लगानीकर्ताले २.४ प्रतिशत गुमाएका छन् । त्यस्तै आज दिब्यस्वरी हाइड्रोको शेयर मूल्य २ प्रतिशत , ज्योति विकस बैंकको १.८७ प्रतिशत र नेपाल हाइड्रो डेभलपरको शेयर मूल्य १.८१ प्रतिशत मूल्य घटेको छ ।
