नेप्से १४ सय बिन्दुभन्दा तल, ३२ करोडको सेयर कारोवार
साताको तेस्रो दिन मंगलबार बजार परिसूचक नेप्से घटेको छ । आज नेप्से सूचक ९.०५ अंकले घटेर १४ सय भन्दा तल अर्थात् १३९३.०४ को बिन्दु र रोकिएको छ ।
आज बजारमा १५५ कम्पनीका शेयर ३२ करोड २६ लाख रुपैयाँमा खरिद बिक्री भयो। सोमबार ३६ करोड रुपैयाँको कारोबार भएको थियो।
अघिल्लो दिनको तुलनामा कारोबार रकम चार करोड रुपैयाँ कम हो। मंगलबार सबैभन्दा बढी सानिमामाई हाइड्रोपावर कम्पनीको दुई करोड ९२ लाख रुपैयाँको कारोबार भयो।
उपसूचक मिस्रित देखिएका छन्। बैंक ६.६७, ट्रेडिङ ०.५, होटल ३७.२९, विकास बैंक ३.४५, जलाबिद्युत २९.४८, फाइनान्स ३.८३, बीमा ८७.६५, अन्य ०.३६ र लघुबित्त ९.२१ अंकले घटेका छन्। उत्पादनमुलक समुहमा कुनै कारोबार भएन।
मंगलबार फर्स्ट माइक्रोफाइनान्सका शेयरधनीले सबैभन्दा बढी करिब ६ प्रतिशत कमाए।कालिका माइक्रोक्रेडिटका शेयर धनीले सबैभन्दा बढी करिब ६ प्रतिशत नै गुमाए।
