नेप्से परिसुचक झिनो अंकले ओरालो लाग्दा ३६ करोडको सेयर कारोवार
सोमबारको सेयर बजार नेप्से परिसूचक ०.५८ अंकले घटेर १४०२.०९ अंकमा झरेको छ । आज बजारमा ३६ करोड ६४ लाख रुपैयाँको सेयर कारोबार भयो।
यसदिन १६३ कम्पनीको ९ लाख ५४ हजार ६३० कित्ता सेयर तीन हजार ९३३ खरिद विक्री भएका छन् । आईतबारको तुलनामा कारोबार रकम १४ करोड रुपैयाँले घटेर ३६ करोड ६४ लाख रुपैयाँ कायम भएको छ ।
त्यस्तै ५ वटा उपसूचक उकालो लागेका छन् भने ५ वटै उपसूचक ओरालो लागेका छन्।
सोमबार कमर्सियल बैंक ०.८३, ट्रेडिङ १०.२२, होटल ०.५६, हाइड्रोपावर २३.४३, उत्पादन तथा प्रसोधन ३.४१ अंकले उकालो लागेको छ भने विकास बैंक ०.५२, फाइनान्स २.०५, इन्स्योरेन्स १८.६५, अन्य ४.३ र माइक्रोफाइनान्स १३.२९ अंकले ओरालो लागेका छन्।
सबैभन्दा धेरै सानिमा माइ हाइड्रोपावरको ५ करोड १८ लाख रुपैयाँको कारोबार भयो। कामना सेवा विकास बैंकका शेयर धनीहरुले ७.५९ अंकले कमाएका छन् भने बेस्ट फाइनान्स कम्पनीका शेयर धनीले ४.४१ प्रतिशतले गुमाएका छन्।
