राष्ट्र बैंकले तरलता सहज गर्न १० अर्ब बैंकिङ प्रणालीमा पठाउँदै
नेपाल राष्ट्र बैंकले तरलता सहज गर्न शुक्रबार दश अर्ब रुपैयाँ बैंकिङ प्रणालीमा बजारमा पठाउने भएको छ। राष्ट्र बैंकले विकास ऋणपत्र खरिद गरेर प्रत्येक्ष बोलकबोलमार्फत उक्त रकम बैंकिंग प्रणालीमा पठाउन लागेको हो ।
चालु आर्थिक वर्षमा विभिन्न चार चरणमा गरेर राष्ट्र बैंकले ऋणपत्र खरिदमार्फत २५ अर्ब २७ करोड रुपैयाँ बैंकिङ प्रणालीमा पठाइसकेको छ।
राजश्व संकलन गर्दा पुस मसान्तमा बैंकिङ प्रणालीको ९० अर्ब बढी रकम सरकारी खातामा गएपछि राष्ट्र बैंकले १० अर्ब प्रवाह गर्न लागेको हो। अन्तर बैंक ब्याजदर ५ प्रतिशतभन्दा तल रहेपछि राष्ट्र बैंकले विभिन्न चरणमा रकम प्रवाह गर्दै आएको छ।
