मुखमा कालोपट्टी बाँधेर माइतीघरबाट नयाँ बानेश्वरसम्म नर्सहरुले यसरी गरे र्याली
देशैभर आन्दोलित नर्सहरुले बुधबार माइतीघरबाट नयाँ बानेश्वरसम्म मुखमा कालोपट्टि बाँधेर र्याली गरेका छन्। नेपाल नर्सिङ संघको आयोजनामा जारी आन्दोलनमा एेक्यबद्धता जनाउँदै उनीहरु सडकमा निस्केका हुन्।
मानव अंग प्रत्यारोपण केन्द्रका नर्सहरुलाई पुनर्बहाली, नर्सिङ महाशाखा स्थापना, निजी अस्पतालमा पनि न्युनतम तलबभत्ताको व्यवस्था लगायतका विभिन्न ११ बुँदे माग राखेर आन्दोलनमा उत्रेका नर्सहरुले माघ १ देखि ३ गतेसम्म १० बजेदेखि तीन घण्टाका लागि ड्युटी छोडेका छन्।
आफूहरुको माग सुनुवाइ नभए ४ देखि ७ गतेसम्म ड्युटीमै नजाने उनीहरुको घोषणा गरेका छन्।
