सिंहदरवारमा कार्यदलको बैठकले यसरी मिलाउदैछ भागबण्डा,एमाले संसदीय दल बाट आयो बामलाई यस्तो खुसीको खबर

हाम्रो इकोनोमि

राष्ट्रिय सभा निर्वाचन र प्रदेश सरकार निर्माणका सम्बन्धमा साझा धारणा बनाउन एमाले–माओवादी केन्द्रको संयुक्त कार्यदलले तयारी सुरु गरेका छन्।
यसका लागि आजै सिंहदरवारस्थित एमाले संसदीय दलको कार्यालयका बैठक hudaichh । बैठक केही क्षणमै सुरु हुने बताइएको छ।

२५ पुषमा बसेको पार्टी एकता संयोजन समितिको बैठकले उपरोक्त दुई विषयमा समान धारणा बनाउन कार्यदलको गठन गरेको थियो।
गठन भएलगत्तै २६ पुषमा दुबै पार्टीका अध्यक्षले कार्यदललाई मार्ग निर्देशन दिएका थिए।

बैठक तत्काल बस्न एमाले अध्यक्ष केपी शर्मा ओली र माओवादी केन्द्रका अध्यक्ष पुष्पकमल ‘प्रचण्ड’ ले निर्देशन दिएपनि कार्यदलका सबै सदस्य काठमाडौंमा नभएकाले बैठक बस्न सकेको थिएन।

एमालेका सुरेन्द्र पाण्डे र माओवादी केन्द्रका मातृका यादव काठमाडौं बाहिर थिए।
पाण्डे र यादव दुबैजना काठमाडौं आएपछि बैठक बसेर राष्ट्रिय सभा निर्वाचन र प्रदेश सरकारका विषयमा छलफल सुरु गर्न लागिएको हो।