प्रिमियरको एफपीओ पर्नेले पनि १३.५२ लाभांश पाउने
प्रिमियर इन्स्योरेन्स कम्पनीमा एफपिओ पाउने लगानीकर्ताले बोनस शेयर पनि पाउने भएका छन्। कम्पनीले एफपिओ सहित कायम भएका शेयरधनीले १३.५२ प्रतिशत बोनस शेयर पाउने जनाएको छ।
कम्पनीले एफपिओ निष्कासन गरेपछिको चुक्ता पूँजी ५१ करोड ४४ लाख रुपैयाँ हुनेछ। कम्पनीले सो पूँजीमा बोनस शेयर दिएपछि ५८ करोड ३९ लाख रुपैयाँ पुग्नेछ।
कम्पनीले बोनस सेयर प्रयोजनकालागि ३६ लाख ५९ हजार रुपैयाँ नगद लाभांश पनि दिने भएको छ। कम्पनीको संचालक समितिको बैठकले सोमबार गत आर्थिक वर्षको नाफाबाट १३.५२ प्रतिशत बोनस शेयर दिने निर्णय गरेको थियो।
