अपहरणपछि हत्या गरेको अभियोगमा चार पक्राउ
अपहरण गरी हत्या गरेको आरोपमा जिल्ला प्रहरी कार्यालय चितवनले चार जनालाई पक्राउ गरेको छ ।
कालिकोटको तिला ९ बाट गलैँचा व्यापारका लागि नारायणगढ आएका १९ वर्षीय उमेश पाण्डेको पुस ११ गते हत्या गरी नदीमा फालेको आरोपमा चार जना पक्राउ परेका हुन् । मृतक पाण्डेको शव १९ गते नदी किनारमा भेटिएको थियो ।
किटानी जाहेरी परेपछि उनीसँगै व्यापार गर्न हिँडेका कालिकोट २ का अक्कलबहादुर कठायत र गोविन्द पाण्डे, कालिकोट २ का नरेश न्यौपाने र गंगालाल पाण्डे पक्राउ परेका हुन् ।
उनीहरुविरुद्ध सार्वजनिक मुद्दा चलाइएको थियो । अहिले अपहरण गरी कर्तव्य गरेको आरोपमा मुद्दा चलाइएको जिल्ला प्रहरी कार्यालयका प्रहरी प्रमुख एसपी दीपक थापाले बताए ।
