गोली हानिएका ब्यापारी पौडेलको अस्पताल लैजाँदै गर्दा बाटैमा मृत्यु
रुपन्देहीको देवदह नगरपालिकामा गोली प्रहार गरी काठ व्यापारी वसन्त पौडेलको हत्या गरिएको छ।
देवदहको खैरेनी ढेकारस्थित आफ्नो काठ मिलमा बसिरहेका पौडेलमाथि अज्ञात व्यक्तिले गोली प्रहार गरेका थिए। गम्भीर घाइते भएका उनको उपचारका लागि लुम्बिनी अञ्चल अस्पताल लैजाँदै गर्दा बाटैमा मृत्यु भएको जिल्ला प्रहरी कार्यालयका डिएसपी धर्म भण्डारीले बताए।
गुन्डागर्दीमा संलग्न समूहले व्यापारी पौडेललाई गोली प्रहार गरेर भागेको हुन सक्ने उनको भनाइ छ। भण्डारीले हत्याराको खोजी भइरहेको जानकारी दिए।
