कृषि विकास बैंक घोटाला प्रकरणमा मुछिएका जर्नेल सैनिकमाथि कारबाही सुरु
कृषि विकास बैंकको रकम हिनामिना प्रकरणमा मुछिएका नेपाली सेनाका बहालवाला सहायक रथी रमेश विष्टलाई सेनाले कारबाही सुरू गरेको छ।
विष्टलाई सेनाले पक्राउ गरी कोर्ट मार्सल शुरू गरेको छ। उनलाई उपत्यका पृतना नारायणहिटीमा राखेर अनुसन्धान शुरु गरिएको सैनिक स्रोतले जनाएको छ ।
कृषि विकास बैंक न्युरोड शाखामा कार्यरत सहायक टेलर दिपिका रेग्मीले बिष्टको खातामा पैसा ट्रान्सफर गरेको प्रहरी अनुसन्धानमा खुलेको थियो ।
बैंकको करिब ४ करोड ९१ लाख रुपैयाँ हिनामिना भएपछि दिपिकालाई पक्राउ गरी अनुसन्धान गर्ने क्रममा ३२ लाख रुपैयाँ जर्नेलको खातामा भेटिएको बताइएको थियो ।
उनले आरोप पुष्टि भएमा र गल्ती देखिएमा कोर्टमार्सल हुने सैनिक ऐनमा व्यवस्था रहे पनि अहिले आरोप पुष्टि भइनसकेको बताए ।
