कमल थापालाई मुख छोडे पछी शहरी बिकाश मन्त्री गिरी यसरी भए बर्खास्त
उपप्रधानमन्त्री तथा राष्ट्रिय प्रजातन्त्र पार्टीका अध्यक्ष कमल थापाले सहरी विकासमन्त्री दिलनाथ गिरीलाई बर्खास्त गर्न प्रधानमन्त्रीलाई पत्र पठाएका छन्।
सहरी विकास मन्त्रालयमा सचिवको नियुक्तिलाई लिएर उपप्रधानमन्त्री थापा तथा मन्त्री गिरीबीच मतभेद भएपछि बिहीबार नै क्याबिनेट बैठकमा थापाले गिरीलाई राजीनामा दिन आदेश दिएका थिए। मन्त्री गिरीले ‘मैले राजीनामा तपाईँलाई होइन, प्रधानमन्त्रीलाई दिने हो’ भनेको २४ घन्टा नबित्दै उपप्रधानमन्त्री थापाले शुक्रबार उनको बर्खास्तगीका लागि प्रधानमन्त्रीलाई पत्र लेखेका हुन्।
प्रधानमन्त्रीले राष्ट्रपति विद्या भण्डारीसँगको भेटमा त्यसबारे सूचित गरेको बुझिएको छ। थापाको पत्रअनुसार गिरी केहीबेरमै पदमुक्त हुने प्रधानमन्त्री निकट स्रोतले देशसञ्चारलाई जानकारी दिएको छ।
