निःशुल्क आँखा शिविरबाट ६०५ बिरामीले सेवा लिए



पाल्पाको रामपुर नगरपालिकाका विभिन्न स्थानमा चलेको निःशुल्क आँखा शिविरबाट ६०५ जना बिरामीले सेवा लिएका छन् ।
बुधबार सम्पन्न नगरपालिकाका विभिन्न स्थानमा चलेको तीनदिने शिविरमा आँखा जाँच गराएका बिरामीमध्ये ५३ जनामा मोतियाबिन्दु फेला परेको छ । मोतियाबिन्दुका बिरामीलाई शल्यक्रियाका लागि लुम्बिनी मेडिकल कलेज प्रभाषमा पठाइएको छ ।

बिरामीलाई सहजरुपमा सेवा दिने उद्देश्यले लुम्बिनी मेडिकल कलेज प्रभाष पाल्पाको आयोजना तथा प्राविधिक सहयोग, भगवती चश्मा पसल रामपुरको सहआयोजनामा रामपुर नगरपालिकाका विभिन्नस्थानमा शिविर सञ्चालन गरिएको हो ।

सोमबार रामपुर नगरपालिका–१० को रामटारमा भएको शिविरमा सेवा लिएका २१३ बिरामीमध्ये छजनामा मोतियाबिन्दुका बिरामी फेला परेका छन् । मंगलबार रामपुर नगरपालिका–१ को स्याउली बजारमा चलेको शिविरमा २१७ जना बिरामीमध्ये १८ जनामा मोतियाबिन्दु र बुधबार रामपुर नगरपालिका–५ को बेझाड बजारमा चलेको शिविरमा १७५ आँखाका बिरामीमध्ये २२ जनामा मोतियाबिन्दु फेला परेको चगवती चश्मा पसलका सञ्चालक किसनकुमार श्रेष्ठले जानकारी दिनुभयो ।

शिविरमा पाल्पा, स्याङ्जा, तनहुँ र नवलपरासीका जनताले सेवा लिएका छन् । गाउँघरमै आँखा परीक्षण तथा औषधि उपचार निःशुल्क पाएपछि बिरामी खुशी भएका छन् ।

प्रतिक्रिया दिनुहोस
५९ अंकले बढ्यो नेप्से, १५ अर्ब बढीको कारोबार

    नेपाल स्टक एक्सचेन्ज(नेप्से) परिसूचक २८ महिना यताकै उच्च बिन्दुमा पुगेको छ

प्रधानमन्त्री ओलीलाई दुई तिहाइ समर्थन हुने पक्का

    प्रधानमन्त्री केपी शर्मा ओली प्रतिनिधिसभाबाट विश्वासको मत लिँदा दुई तिहाइ समर्थन

चीनमा सपिङ सेन्टरमा आगलागी हुँदा १६ जनाको मृत्यु

    चीनको एक सपिङ सेन्टरमा आगलागी हुँदा १६ जनाको मृत्यु भएको छ

एमाले प्रचार विभागले सञ्चारमन्त्री गुरूङलाई बुझायो ३० बुँदे सुझाव

    सञ्चार तथा सूचना प्रविधिमन्त्री पृथ्वीसुब्बा गुरूङलाई नेकपा एमाले केन्द्रीय प्रचार तथा