नेप्सेमा दोहोरो अंकको गिरावट कायमै, २१ अंकले परिसुचक घट्दा झन्डै ७६ करोडको सेयर कारोवार !
बुधबार पनि सेयर बजार दोहोरो अंकले घटेको छ । कारोबारमा आएका उपसूचकमा उत्पादनमुलक बाहेक सबै घटेका छन्। नेप्से सूचक २१.५३ अंकले घटेर १४२५.५१ अंकमा झरेको छ। क बर्गका कम्पनीहरुको कारोबार मापन गर्ने सेन्सेटिभ इन्डेक्स ४.७२ अंकले घटेर ३००.१३ अंकमा ओर्लिएको छ।
उत्पादनमूलकबाहेक सबै उपसूचक घटेपछि समग्र नेप्से परिसूचक घटेको हो । उत्पादनमुलक ०.२६ प्रतिशत बढेको छ। बैंक १.४४, होटल ०.२७, विकास बैंक १.५१, जलबिद्युत १.२५, फाइनान्स ०.५९, बीमा १.८४, अन्य २.४२ र लघुवित्त १.३६ प्रतिशतले घटेका छन्।
बुधबार १५६ कम्पनीका १३ लाख ५६ हजार कित्ता शेयर ७५ करोड ८९ लाख रुपैयाँमा कारोबार भयो। मंगलबारभन्दा कारोबार रकम २१ करोड रुपैयाले बढी हो। मंगलबार ५४ करोड रुपैयाँको कारोबार भएको थियो। मंगलबार नेपाल लाइफ इन्स्योरेन्स कम्पनीको संस्थापक शेयर सबैभन्दा बढी १० करोड ९९ लाख रुपैयाँको कारोबार भएको छ।
महुली सामुदायिक लघुवित्तका शेयरधनीले सबैभन्दा बढी १० प्रतिशत कमाएका छन्। सिन्धु विकास बैंकक शेयर धनीले सबैभन्दा बढी करिब ६ प्रतिशत गुमाए।
