यी हुनु पशुपति सम्सेर राणालाई दुई पटक हराउने सिन्धुपाल्चोकका लोकप्रिय नेता शेरवहादुर तामाङ

सिन्धुपाल्चोक दुई वाट निर्वाचित शेरवहादुर तामाङले दुई पटक नै राष्ट्रिय प्रजातन्त्र पार्टीका प्रभावशाली नेता पशुपति सम्सेर राणालाई हराए । सिन्धुपाल्चोकमा चुनाव जितेर पच्चिस वसन्त मनाएका राणालाई यस पटक भने तामाङले फराकिलो मतान्तरमा पराजित गरे । उनको पराजय संगै अव सिन्धुपाल्चोकमा राणा शासनको अन्त्य भएको चर्चा हुन थालेको छ । उनै राणालाई हराउने शेरवहादुरलाई उनको पार्टीले मन्त्री वनाएर पुरस्कार दिने चर्चा पनि चलेको छ ।

हुनत नेकपा(एमाले) अहिलेसम्म तामाङ समुदाय वाट मन्त्री वनाएको पनि छैन । तर तामाङ जातको आधारमै फाईदा लिने पक्षमा छैनन् । किनभने उनले एमालेलाई जनजाती बिरोधी भनेर उपाध्यक्ष अशोक राई नै अन्यत्र लागेपछि त्यसको वचाउमा धेरै भाषणहरु गरेका थिए । उनी लगायत अरु युवा नेताहरुले नै एमाले जनजाती बिरोधी नभएको भन्दै सडक तताएका थिए । त्यो समय उनी रत्नपार्कको सडकमा एमालेको वचाउ गरिरहेका दृष्य अहिले पनि सामाजिक सञ्जालमा देखिन्छ ।

कानुनमा स्नातक अध्ययन गरेका शेरवहादुर एमालेभित्र लाभको पद नपाउने मध्येका पनि हुन् । उनी सरहका धेरै जनजाती नेताहरुले लाभको पद प्राप्त गरिसकेका छन् । गुट भन्दा पनि पार्टीको हितका लागि लाग्ने शेरवहादुर एमालेका जनजाती संगठनका बरिष्ठ उपाध्यक्ष पनि हुन् । यो संगठनको अध्यक्ष वन्ने प्रवल दावेदार भए पनि पार्टीको निर्णय मान्दै पार्टी सचिव पृथ्वी सुव्वालाई उनले अध्यक्ष मानेर आफू पछि हटेका थिए । भुकम्पका वेला सिन्धुपाल्चोकमा सकृय भूमिका निर्वाह गरेका शेरवहादुरले युवा संघको नेतृत्व तथा ईञ्चार्जको भूमिका पनि निर्वाह गरेका छन् ।

दुई चरणको निर्वाचन सम्पन्नपछि वन्ने नयाँ सरकारमा नयाँ मन्त्रीको चर्चा हुन थालेको छ । संसदमा सवैभन्दा ठूलो दल वनेको नेकपा९एमाले०को नेतृत्वमा सरकार गठन हुने निश्चितप्रायः भएपछि यो दल र गठवन्धन दल माओवादी केन्द्रमा पनि नयाँ मन्त्रीको चर्चा सुरु भएको छ । चर्चा संगै बिभिन्न नेताहरु मन्त्रीको लागि दौडधुपमा पनि लागेका छन् । एमाले अध्यक्ष केपी ओली प्रधानमन्त्री वने संगै मन्त्री मण्डलमा कृयाशिल तथा नयाँ अनुहारलाई ल्याउनु पर्ने दवाव पर्न थालेको छ । पटक पटक मन्त्री भएकाहरु वाट बिगतमा खासै चर्चायोग्य काम नभएका कारण पनि एमालेले नयाँ अनुहारलाई मन्त्री वनाउनु पर्ने दवाव सिर्जना गरेको छ । त्योसत अध्यक्ष ओलीलाई धेरै पहिलेदेखि नै साथ दिदै आएको केही सांसदहरुसमेत मन्त्री वनाउनु पर्ने दवावमा ओली छन् ।