महाराजगन्जमा भयानक दुर्घटना : मोटरसाइकल चालकको टाउकोको आधा भाग नै काटियो
काठमाडौं । काठमाडौंको चप्पलकारखाना चोक नजिकै ट्रिपरले मोटरसाइकललाई ठक्कर दिँदा एकको मृत्यु भएको छ । महाराजगन्जबाट चाबहिल जाँदै गरेको बा ४ ख ६२७० नम्बरको टिप्परले बा ३४ प ४२८१ नम्बरको मोटरसाइकललाई ठक्कर दिँदा मोटरसाइकल चालकको घटनास्थलमै मृत्यु भएको हो ।
मोटरसाइकलको पछाडि बस्ने अर्का एक जनालाई गम्भीर घाइते भएका छन्। उनलाई उपचारका लागि अस्पताल लगिएको छ। टिप्पर र चालकलाई प्रहरीले नियन्त्रणमा लिएको छ। यसबारे थप अनुसन्धान भइरहेको महानगरीय प्रहरी वृत महाराजगञ्जका एक प्रहरीले जानकारी दिए ।
मोटरसाइलको पछाडिको भाग केही पनि नरहेको र तत्कालै उनीहरुलाई उपचारको लागि भनेर टिचिङ अस्पताल लगिएको प्रहरीले जनाएको छ ।
घटनाबारे बुझ्न दुर्घटनास्थलमा प्रहरी र स्थानीयहरुको भीड लागेको छ । सडक रगताम्य र स्थानीयका अनुसार मोटरसाइकल चालकको टाउकोको आधी भाग काटिएको छ ।
घटनामा मृतक र घाइतेको सनाखत हुन सकेको छैन।
