एच आइ भी संक्रमित बालबालिका समस्यामा
बैतडीमा एच आइ भी संक्रमित बालबालिकाहरु समस्यामा परेका छन् ।
एच आई भी संक्रमित बालबालिकाहरुको शिक्षा,स्वास्थ्य र पोषणमा पहुँच पुग्न नसकेको एच आइ भी को क्षेत्रमा काम गरिरहेको संस्था बहुउद्देश्यीय विकास समाज डडेल्धुराका कार्यक्रम संयोजक लोकेन्द्र पन्तले जानकारी दिनुभयो । जिल्लामा हाल १९ जना एच आइ भी संक्रमित बालबालिकाहरु सम्पर्कमा आएको उहाँले बताउनुभयो । एच आइ भी संक्रमित बालबालिकामध्ये अधिकांशले अभिभावक गुमाईसकेकाले उनीहरुलाई झन् समस्या भएको छ । एच आइ भी संक्रमित बालबालिका मध्ये कतिपयले आमा र बुवा दुईटै गुमाईसकेका छन् भने धेरैले आमा वा बुवा मध्ये एकजना गुमाईसकेका छन् ।
एच आइ भी संक्रमित बालबालिकाहरुका लागि सरकारका तर्फबाट पनि त्यस्तो खालको कुनै कार्यक्रम नभएकाले उनीहरुले शिक्षाबाट वञ्चित भईरहेका छन् । संक्रमित बालबालिकाहरुलाई अहिले बहुउद्देश्यीय विकास समाज डडेल्धुराले मासिक एक हजारका दरले छात्रवृति र औषधिको व्यवस्था गर्दै आएको भएपनि १८ बर्षमाथिका लाई भने कुनै सहयोग नभएको पन्तले जानकारी दिनुभयो ।
