समानुपातिकमा एमाले पछ्याउँदै कांग्रेस, राजपा चौथो नम्बरमा
प्रदेश र प्रतिनिधिसभा सदस्य निर्वाचनको मतगणना अन्तिम चरणमा पुग्दा अधिकांश जिल्लामा समानुपातिकतर्फको मतगणना तीव्र गतिमा अघि बढेको छ।
प्रारम्भिक मतपरिणाम अनुसार प्रतिनिधिसभा सदस्यमा समानुपातिकतर्फ एमालेले अग्रता लिएको छ। जसलाई कांग्रेसले झिनो मनान्तरले पछ्याइरहेको छ।
निर्वाचन आयोगबाट दिउँसो साढे २ बजे प्राप्त मतपरिणाम अनुसार एमालेले गणना भइरहेका जिल्लाबाट ४ लाख ४३ हजार ५ सय ३ मत प्राप्त गरेको छ। कांग्रेस ४ लाख २५ हजार ७६ मतसहित पछ्याइरहेको छ।
माओवादी केन्द्रले २ लाख ४ हजार ७ सय ५७ मत प्राप्त गरेको छ। चौथो नम्बरमा राष्ट्रिय जनता पार्टी नेपालले २५ हजार ५ सय ९८ मत ल्याएको छ। विवकेशील पार्टी नेपाल पाँचौ स्थानमा छ। उसले २२ हजार ७ सय २७ मत ल्याएको छ।
