प्रधानमन्त्रीको निर्देशनपछि यसरी भयो पेट्रोलियम पदार्थको मूल्यवृद्धि फिर्ता
प्रधानमन्त्री शेरबहादुर देउवाको निर्देशनपछि पेट्रोलियम पदार्थको मूल्यवृद्धि फिर्ता भएको छ।
नेपाल आयल निगमले बुधबार पेट्रोलियम पदार्थमा मूल्यवृद्धि गरेको थियो। चौबीस घन्टा नबित्दै निगमले निर्णय फिर्ता लिनुपरेको छ।
गएराति १२ बजेपछि लागू हुनेगरी निगमले खाना पकाउने एलपी ग्यास , पेट्रोल, डिजेल र मट्टितेलको मूल्य बढाएको थियो। बढाएको मूल्यमा पेट्रोल प्रतिलिटर रु १००, डिजेल र मट्टितेल लिटरको रु ७५ रुपैयाँ ५० पैसा र ग्यास प्रतिसिलिन्डर रु एक हजार ३५० तोकिएको थियो।
प्रधानमन्त्रीको निर्देशनपछि पेट्रोलियम पदार्थको मूल्य साबिक नै कायम भएको छ।
