कुन नेताले कहाँबाट गरे मतदान हेर्नुहोस फोटो
काठमाडौं । पहिलो चरणमाअन्तर्गत प्रदेशसभा र प्रतिनिधिसभाको ३२ जिल्लामा मतदान सुरु भएको छ । मुलुक संघीय संरचना प्रवेश गरेपछि पहिलोपटक हुन लागेको निर्वाचनमा राजनीतिक दलका शीर्ष नेताहरु पनि मतदाता छन् । मतदाता बनेका केही नेताले आफैलाई मतदान गर्न पाउँदैनन् ।
नयाँ शक्ति पार्टी, नेपालका संयोजक डा. बाबुराम भट्टराईले आज गोरखाको पालुङटार नगरपालिकाको अन्नपूर्ण मावि खोप्लाङ मतदान केन्द्रमा मतदान गर्दैछन् ।
नेकपा एमालेका नेता सचिव योगेश भट्राई ताप्लेजुङ् जिल्ला मैवाखोला गाउपालिका वडा नं ३ को नारायणी उमाबि मतदान केन्द्रमा बिहान ७ .३० बजे मतदान गरेका छन ।
पूर्व प्रधानमन्त्री भट्टराईसँग चुनावी प्रतिष्पर्धामा गरिरहेका माओवादी केन्द्रका नेता नारायणकाजी श्रेष्ठले गोरखाको सिरानचोक गाउँपालिका–८ जौबारी मतदान केन्द्रबाट मतदान गर्दैछन् ।
एमाले सचिव योगेश भट्टराईले पनि पहिलो चरणका मतदाता गर्दैछन् । ताप्लेजुङबाट प्रतिनिधिसभा सदस्यतमा लडेका भट्टराईले मैवाखोला गाउँपालिका–३ नारायणी उमावि केन्द्रमा मतदान गर्दैछन् ।
राष्ट्रिय प्रजातन्त्र पार्टी (प्रजातान्त्रिक) का अध्यक्ष पशुपति शमशेर राणाले सिन्धुपाल्चोकको सुनकोसी गाउँपालिका–२ को महेन्द्रोदय उमावि केन्द्रबाट मतदान गर्दैछन् । मा छ ।
माओवादी नेता एवं विना विभागीय मन्त्री जनार्दन शर्माले रुकुमको मुसिकोट नगरपालिका–५ यमुनानन्द नमूना उमावि केन्द्रमा मतदान गर्दैछन् ।
४ नम्बर प्रदेशका मुख्यमन्त्रीका दाबेदार पृथ्वी सुब्बा गुरुङले लमजुङले क्व्होलासोथार गाउँपालिका–९ बुद्धोदय मावि मतदान केन्द्रमा मतदान गर्दैछन् ।
कांग्रेस नेता चीनकाजी श्रेष्ठले आरुघाट गाउँपालिकाको भीमोदय उमावि मतदान केन्द्रबाट मतदान गर्दैछन ।
