आजबाट माउण्ट मकालुको ५० प्रतिशत हकप्रद खुल्यो
काठमाण्डौं । माउण्ट मकालु डेभलपमेन्ट बैंकले मंसिर ७ गते विहीबारदेखि चुक्ता पूँजीको ५० प्रतिशत हकप्रद सेयर विक्री खुला गरेको छ । बैंंकले दुई बराबर एक अनुपातमा एक सय रुपैयाँ अंकित मूल्यको तीन लाख ४५ हजार आठ सय कित्ता हकप्रद जारी गरेको हो ।
बैंकको निष्काशन तथा विक्री प्रबन्धक एनआईबिएल क्यापिटल रहेको छ । हकप्रदमा विक्री प्रबन्धकको कार्यालय लाजिम्पाट, लगनखेल, पोखरा तथा माउण्ट मकालुको शाखा कार्यालयहरु तेह्रथुम तथा सम्पुर्ण कार्यालयहरुबाट आवेदन गर्न सकिनेछ ।
धितोपत्र बोर्डको निर्देशन बमोजिम उपत्यका बाहिरका मुख्य शहरबाट आवेदन गर्ने व्यवस्थाका लागि बैंकले इन्भेष्टमेन्ट बैंकको शाखा कार्यालयहरु विराटनगर, वीरगञ्ज, नेपालगञ्ज, नारायणगढ, बुटवल र धनगढीबाट समेत हकप्रद भर्न सकिने व्यवस्था रहेको छ ।
हकप्रदमा कात्तिक १६ गते विहीबारसम्म कायम रहेको सेयरधनीले मात्र आवेदन गर्न पाउनेछन् । हकप्रदमा आवेदन गर्ने अन्तिम म्याद पुस १२ गते रहेको छ ।
