पाँचौं मिस लिम्बूको ताज अविशालाई



काठमाडौं । आफ्ना १३ जना प्रतिस्पर्धीलाई पछि पार्दै यस वर्षको मिस लिम्बूको ताज अविशा फुदोङ लिम्बूले पहिरिएकी छन् । राजधानीमा आयोजित कार्यक्रममा अविशा पाँचौं मिस लिम्बू बन्न सफल भएकी हुन् ।

विजेता अविशालाई गत वर्षकी मिस लिम्बू सानु नेम्बाङले ताज पहिर्‍याइदिएकी थिइन् । महिला आरक्षणको पक्षमा कि विपक्षमा हुनुहुन्छ र किन ? भन्ने निर्णायकको प्रश्नको उत्कृष्ट जवाफ दिएर ‘मिस लिम्बू’ बन्न सफल भएकी अविशाले ताजसँगै नगद एक लाख प्राप्त गरेकी छन् ।

याक्थुङ युथ एसोसिएसनद्वारा नाचघरमा आयोजित कार्यक्रममा सन्ध्या तुम्बाहाम्फे र सबनम साँवा लिम्बू फस्ट रनरअप र सेकेन्ड रनरअप भए । उनीहरूले ताजसहित नगद ५० हजार र २५ हजार तथा विभिन्न गिफ्ट ह्याम्पर प्राप्त गरे । ‘मिस लिम्बू’को विशेष टाइटल उपाधि मानिएको ‘मिस युमा कल्चर’को उपाधि मेनुका साउदेनले पाइन् । उनले पनि नगद ५० हजार प्राप्त गरिन् ।

कला सुब्बाको कोरियोग्राफीमा सम्पन्न प्रतियोगिताको फाइनलका लागि प्रेम एक्तेन, पूर्वमिस नेपाल उषा खड्गी, समाजसेवी पवित्रा लिम्बू, मोडल जयन सुब्बा मानन्धर र पत्रकार कृष्ण भट्टराई निर्णायक थिए।

याङ्जोम शेर्पाको संयोजकत्वमा आयोजित कार्यक्रममा तेह्रथुमे ढाका बुटिकले तयार पारेको पहिरनमा एक दर्जन मोडल र्‍याम्पमा प्रस्तुत भएका थिए भने गायक डम्बर नेपाली, गायिका जशोदा सुब्बा लगायतका कलाकारले मनोरञ्जन प्रदान गरेका थिए ।

प्रतिक्रिया दिनुहोस
एनआईबिएल इक्विटी पार्टनर्सले डेलिज डेरिजमा लगानी गर्ने

  नेपालको अग्रणी प्राइभेट इक्विटी फर्म एनआईबिएल इक्विटी पार्टनर्सले डेलिस डेरिजसँग रु. ९

गृहमन्त्री लेखक र चीनका राजदूतबीच भेटवार्ता

    गृहमन्त्री रमेश लेखकसँग नेपालका लागि चीनका राजदूत चेन सङले शिष्टाचार भेट

काटिएका उद्योगको लाइन जोडिन्छ : मन्त्री खड्का

    ऊर्जा, जलस्रोत तथा सिँचाइमन्त्री दीपक खड्काले डेडिकेटेड र ट्रंकलाइन विवादमा काटिएका

प्रधानमन्त्रीको सवालजवाफमा माओवादीको आपत्ति

    संसद बैठकमा आज प्रधानमन्त्रीले सांसदहरूले सोधेका प्रश्नको जवाफ दिने क्रमको सुरुवातमै