रामेछापमा उनको बिकाशे नेताको नाम,यसरी चुनाब जित्दैछन् कान्छाराम
रामेछापका नेपाली कांग्रेस प्रतिनिधिसभाका उम्मेदवार कान्छाराम तामाङ (पूर्णबहादुर) ले जिल्लाको बिकासमा अहिलेसम्म गरेको योगदान नै आफूले जित्ने आधार भएको बताएका छन् ।
चुनावी अभियानका क्रममा रामेछापमा रहेका तामाङले मतदाताहरुको समर्थन आफूलाई नै हुने बताए । यूवा नेता तथा समाजसेवी तामाङले जिल्लाको समग्र हित र बिकास नै आफ्नो प्रमुख एजेण्डा भएको जनाए । ‘ मलाई कुनै लोभ छैन , सांसद भएपछि पनि यही जिल्लाका आमाबुबा दाजुभाई र दिदीबहिनीका लागि लगानी गर्छु ’ मतदातालाई जनता भन्न नरुचाउने उनले थपे ‘ उहाँहरुको मायाले यो कान्छाराम बाँचेको छ त्यसैले अब पनि मलाई बचाइरहनुहोला भन्ने लागेको छ ।’ उनले आफूलाई सांसदबापत आउने सेवा सुविधा पनि गाउँकै बिकासका लागि खर्चने प्रतिवद्धता गरेका छन् । कान्छाराम कन्स्ट्रक्सन प्रालि काठमाडौंका संचालक तामाङले आफ्नो पहलबाट जिल्लामा धेरैवटा बिकास निर्माणको काम गरिएको प्रष्ट पारेका छन् । ‘
मैले गरेको काम उहाँहरुलाई थाहा छ बिकासप्रेमी नेतालाई जिताउनुपर्छ भन्ने अभियानमा सबैको एकमत छ’ उनले थपे ‘ हिजोका दिनमा जिल्लाबासीलाई अप्ठेरो पर्दा पनि म उपस्थित भएको छु र भोलि पनि यो भूमिका थप प्रभावकारी हुन्छ ।’
उनले गाउँमा एम्वुलेन्स दिएका छन् । सुत्केरी र बिरामीलाई समस्या पर्दा आफ्नै खर्चमा हेलिकोप्टरबाट काठमाडौं ल्याएर उपचार गराएका छन् । विद्यालय, सडक, मन्दिर तथा सार्वजनिक संघसंस्थालाई पनि आर्थिक सहयोग गर्दै आएका उनले अहिले विपक्षी पार्टीहरुले गठबन्धन गरेपनि आफूलाई असर नपर्ने बताए ।
‘ उता बामगठन्धन छ त्यो त हो तर मैले जिल्लावबासीको काम बढी गरेको हुनाले मलाई मत आउने कुरामा शंका छैन’ उनले भने ‘ म त कांग्रेसको मात्र होइन सबैको साझा उम्मेदवार हो, मतदाताहरुले आफ्नो हितलाई छोडेर कसैले फकाउँदैमा र नचाँहिदा आश्वासन दिँदैमा कसैले मख्ख पार्न सक्दैन ।’ संविधानसभाको दोस्रो निर्वाचनमा पनि समानुपातिक उम्मेदवार बनेका उनी पार्टीको राजनीतिमा सधैं सक्रिय छन् । ‘ म जहाँ गएपनि उहाँहरुको राम्रो समर्थन पाएको छु, फूलमाला लाएर स्वागत गर्नुभएको छ, मतदाताहरु नै मलाई भेट्न र आफ्ना गुनासा तथा समस्याहरु राख्न चाहनुहुन्छ’ उनले भने ‘ म प्रत्येक दुःखसुखमा सँगै छु, उहाँहरुको समस्या र आवश्यकता बुझको त्यसैले पनि मलाई काम गर्न सजिलो हुन्छ ।’ उनले अरु नेताले बिकासका मुद्धालाई सम्बोधन गर्न नसकेको र आफू बाहिरै भएरपनि गाउँको लागि लागिपरेको दावी गरेका छन् ।
तामाङ बाम गठबन्धनका उम्मेदवार श्यामकुमार श्रेष्ठसँग प्रतिस्पर्धा गर्दैछन् । उनले श्रेष्ठ निर्वाचित भएपनि बिकासको काम गर्न नसकेको आरोप लगाए । ‘ पहिले जित्नेको काम पनि थाहा पाइसकेका छौं त्यसैले बाम गठबन्धन भन्दैमा बलियो छ भन्ने हुँदैन, यसपालि मैले जितेर चमात्कार गर्दिन्छु केही दिन पर्खिनुहोला ’ उनले भने ।
