देउवा सरकारले भारतलाई दिन चीनसँग यसरी खोस्यो ९ सय मेगावाटको बुढीगण्डकी,भारतीयले भने देउवा साच्चिकै महान

भर्खरै चिनियाँ कम्पनीबाट खोसिएको ९ सय मेगावाट क्षमताको बुढिगण्डकी जलविद्युत परियोजना भारतलाई दिनका लागि चीनसँग खोसिएको खुलासा भएको छ । भारतीय कम्पनी एनएचपीसीलाई दिनको लागि यो परियोजना चिनियाँ कम्पनी चाइना गेजुवा ग्रुप अफ कम्पनीजसँग खोसिएको भारतको प्रमुख अखबार टाइम्स अफ इण्डियाले जनाएको छ । गेजुवा चीन सरकार अन्तर्गतको कम्पनी हो भने एनएचपीसी भारतको पूर्ण सरकारी स्वामित्वको कम्पनी हो ।

समाचारमा जनाइएअनुसार चिनियाँ कम्पनीलाई दिइएको काम फिर्ता लिएर भारतीय कम्पनीलाई दिनु भनेको नेपालमाथि भारतको प्रभावका कारण हो । प्रचण्डको सरकारका पालामा बुढीगण्डकी चिनियाँ कम्पनी गेजुवालाई दिने सम्झौता भएको थियो । समाचारमा ‘यो क्षेत्र (दक्षिण एसिया)मा भारत र चीनबीच को हावी हुने भन्ने प्रतिस्पर्धा चलिरहेको’ उल्लेख गर्दै यो परियोजना चीनबाट लिएर भारतलाई दिने तयारीले भारतको जीत भएको अप्रत्यक्ष रुपमा दावी गरिएको छ ।

समाचारमा नेपालमा लगानीको लागि चीनले आफूलाई भारतको सट्टामा आकर्षक विकल्पको रुपमा उभ्याउन खोजेको दावी गरिएको छ । पत्रिकाले अप्रत्यक्ष रुपमा चीन भन्दा भारतसँग यस्ता काम गर्दा नेपाललाई फाइदा हुने घुमाउरो सुझावसमेत दिएको छ । अमेरिकाले भारतसँग नजिकको सम्बन्ध बढाउँदै लगेको र चीनसँग प्रतिस्पर्धी रहेकोले नेपाललाई भारततर्फ लाग्दा फाइदा हुने पत्रिकाको टिप्पणीको सार छ ।