मतदाताको बिश्वास जित्दै घर घरमा निर्मल

 

 

काठमाडौं क्षेत्र नम्वर ४ प्रदेस १ का बाम गठबन्धन उम्मेदवार निर्मल कुईंकेल मतदाताको बिस्वसिलो नेताको रुपमा स्थापित हुदैछन ।
एमाले काठमाडौं जिल्ला कमिटीका अध्यक्ष रहिसकेका सरल र नम्र स्वभावका नेता कुइँकेल घरादैलोकै क्रममा पनि जनतासंग ढुक्क भएर आफ्ना कुरा राख्छन । जनताका जस्तासुकै प्रस्न र आवेगको पनि सहजै जवाफ फर्काउने कुइँकेलको स्वभावले यस क्षेत्रको जनताको विश्वास उनीप्रति बढ्दै गइरहेको छ ।

मंगलवार उनि काठमाडौंको वडा नम्वर ७ र १ का केहि स्थानमा घरदैलोमा निस्किए । घरबाट निस्किए देखि नै उनलाई बिजयको शुभकामना दिने स्थानीयहरु भेटीए । यस क्रममा उनि जहाँ जहाँ पुगे मतदाताको राम्रै स्वागत पाए । उनले भेटेका मध्ये धेरै मतदाताले अघिल्लो पटकको मतको दुरुपयोग भएको, सांसद निर्वाचित भएपछी जनप्रतिनिधिले स्थानीय स्तरको बिकास र जनताको समस्याबारे एक पटक पनि नजिकबाट बुझ्ने कोसिस नै नगरेको, आफु बिजयी भएर गएको स्थानमा फर्केर जनतासंग साक्षात्कार नगरेको, आफैंले जिताएर पठाएको नेतालाई आफुले चाहदा भेट्नै नसक्ने – भेट्नै नपाउने अवस्था देखिएकोमा निरासा पोखे ।

“अब तपाईं जितेर गएपछि चाहिं त्यस्तो नहोस है, तपाईं माथि हाम्रो भरोसा छ । पहिले जे भयो भयो अब हाम्रो प्रदेस क्षेत्रको नेता तपाईं नै हो, ढुक्क हुनुस् ” – कुमारीगालका एक मतदाताले कुइँकेललाई हौस्याउदै भने । कमलपोखरी चोक नजिकै भेटिएका एक बृद्ध नागरिकले उनको हात समाउदै भने “तपाईं यहाँको ऐतिहासिक, पुरात्वातिक महत्वका देवालय, मन्दिर, संस्थाहरुको जगेर्ना र विकासमा सहयोगी बन्नुस् है बाबु” ।
“मलाई यो घरदैलोमा जनताका अमुल्य सुझाव प्राप्त भएको छ, जितेर गएकाले कसरी जनताका विश्वास तोडे र भ्रममा राखे त्यो जनताकै मुखबाट सुनेको छु, नेता चुनेर पठाएपछी जनताको अपेक्षा के रहन्छ भन्ने कुरा मतदाताको मनैबाट बुझ्न पाउदा खुसि लागेको छ र मलाई मतदाताले जिताएर पठाएपछि म उहाहरुको विश्वास तोड्दिन, जनताकै सेवामा लागिरहन्छु” आफुलाई जनताले बिजयी गराउने विश्वासका साथ कुइँकेलले भने ।

कुइँकेल क्षेत्र नम्वर ४ प्रदेस १ का बामपन्थी गठबन्धनका साझा उम्मेदवार हुन् । यस अघि ४ नम्वर निर्वाचन क्षेत्रमा नेपाली कांग्रेसका नेता गगन थापाले फराकिलो मत अन्तरले जित हासिल गरेका थिए । तर यस पटक बामपन्थीहरुको संयुक्त गठबन्धन र मतदाताहरुको यस क्षेत्रको विकास निर्माण, सुधार कार्य र जनताको समस्या सम्बोधनमा थापाले चासो नदेखाएको भन्ने आम गुनासो र निरासाका कारण तुलनात्मक रुपमा नेपाली कांग्रेसका उम्मेदवारको मत कमजोर रहेको सबैतिर चर्चा चलिरहेको छ
उत्तम अधिकारी