आफ्ना बिश्वशिला कारिन्दा एकै क्षेत्रबाट उठेपछी भारतलाई मिलाउन यसरी भयो महाभारत, राजेन्द्र महतो हराउने, विमलेन्द्र निधि जिताउने भारतको लाइन !
दक्षिण छिमेकी भारतले धनुषा –३ बाट काँग्रेस नेता विमलेन्द्र निधिविरुद्ध उम्मेदवारी दिएका रापजा अध्यक्ष मण्डलका सदस्य राजेन्द्र महतोलाई उम्मेदवारी फिर्ता लिन दबाब दिइरहेको खुलासा भएको छ ।
उम्मेदवारी फिर्ता लिएर काँग्रेस नेता निधिलाई समर्थन जनाउन महतोमाथि भारतीय पक्षले दबाब दिएको हो । निधि र महतो भिड्दा परिणाम सहजै बाम गठबन्धनको पक्षमा जाने भएकाले पछि हछट्न उनलाई दबाब दिइएको राजपा उच्च स्रोतले बतायो । गृह जिल्ला सर्लाहीमा निर्वाचन जित्ने विश्वास नभएपछि महतो धनुषा गएका हुन् । निधि र महतो दुवै भारत निकट नेता मानिन्छन् । आफ्ना लागि काम गर्ने दुई नेता एकाअर्का विरुद्ध चुनावी मैदानमा उत्रिएको भारतलाई मन परेको छैन ।
नेपालका लागि भारतीय राजदूत मञ्जिवसिंह पुरीले महतोसहित राजपा नेताहरुलाई लैनचौरस्थित दूतावासमै बोलाएर निधिलाई सघाउन भनेका हुन् । निधिकै पहलमा रादजूत पुरीले राजपा नेताहरुलाई दूतावासमा बोलाएर महतोलाई पछि हटाउन प्रयास गरेका थिए । तर, महतोले मानेनन् । निधिले आफ्नो जिल्ला छाडेर किन धनुषा आउनु परेको ? भन्दै महतोलाई सर्लाहीमै काँग्रेसले समर्थन जनाउने प्रतिबद्धता जनाएका थिए ।
यद्यपि महतोले भने मधेस आन्दोलन तराईका कुनै एक जिल्लामा मात्र नभई सबैतिर भएकाले मधेस आन्दोलनको भावनाअनुसार आफू जहाँबाट पनि निर्वाचन लड्न स्वतन्त्र रहेको भन्दै पछि नहट्ने अडान लिएको दाबी स्रोतको छ ।
