प्रधानमन्त्री देउवाको वडामा डा. राजन भट्टराईको घर दैलो

नेकपा एमालेका केन्द्रिय सदस्य एबम बाम गठवन्धनको तर्फ बाट काठमाडौं क्षेत्र नं ४ का उम्मेदवार डा. राजन भट्टराईले  प्रधानमन्त्री शेर बहादुर देउवाको निवास रहेको बुढानिलकण्ठ नगरपालिका वडा नं २ मा र घर दैलो गरेका छन ।

उनि संगै काठमाडौं क्षेत्र नं ४ प्रदेस क्षेत्र नं २ का उम्मेदवार निर्मल कुसुम कुमार कार्की सहित माओवादी केन्द्रको तर्फ बाट समानुपातिक तर्फका उम्मेदवार अमर विक  सहित आज कार्तिक २६ गते बुढानिलकण्ठ  क्षेत्रको घर दैलो अभियानमा रहेका  थिए ।उनको साथमा बुढानिलकण्ठ नगरपालिका वडा नं २ का अध्यक्ष राजेन्द्र खड्का ,सदस्य राजेन्द्र श्रेष्ठ ,वडा नं १ का सदस्य श्याम तामांग लगायत नेकपा एमालेका कार्यकर्ता तथा स्थानीयहरुको  सहभागिता रहेको थियो ।

उनले आफु स्थानीय रहेकोले यस  क्षेत्रको समस्या संग परिचित भएको भन्दै स्थानीय क्षेत्रको समस्या समाधानका लागि मत मागेका थिए । घर घरमा उनलाई फुल माला,टिका र खादाले स्वागत गर्दै आफ्नो समस्या सुनाएका थिए ।घर दैलोको क्रममा उनले आफ्नो परिचय पुस्तिका र प्रतिवादत्ता पत्र वितरण गरेका थिए ।